Búgin «Balasaǵun» ortalyq konert zalynda «Keleshekke – kemel bilimmen» atty oblystyq Tamyz keńesi ótti, dep habarlaıdy adyrna.kz ulttyq portaly. Jıynǵa Jambyl oblysy ákim Asqar Myrzahmetov qatysyp, ustazdar qaýymyn jańa oqý jylymen quttyqtady.
Oblys ákimdiginiń bilim basqarmasynyń basshysy Rahııa Turmaǵanbetovanyń aıtýynsha, bıyl óńirdiń bilim salasyna 130 mlrd teńge bólingen. Atalǵan qarjy ótken jylmen salystyrǵanda 22,2 mlrd teńgege artyq. Sondaı-aq ol bul qarjynyń 5,1 mlrd teńgesi bilim berý nysandarynyń qurylysy men kúrdeli jóndeý jumystaryna qarastyrylǵanyn atap ótti. Sonymen qatar, ol óńirdegi bilim júıesiniń jetken jetistikteri men túıindi túıtkilderi týraly máslelelerdi aıtyp, baıandama jasady.
– Osyǵan oraı Prezıdent Qasym-Jomart Toqaevtyń respýblıkalyq tamyz keńesinde bilim jáne ǵylym salasynda 8 máseleli mindetterdi sheshýdi tapsyrǵan. Prezıdent sóılegen sózinde ustazdardyń el damýyndaǵy róli týraly aıtqan bolatyn. Bul pedagogtarǵa, onyń ishinde jambyldyq pedagogtarǵa da úlken jaýapkershilikti júkteıdi. Jalpy kolledjder, qala jáne aýyl mektepterindegi alshaqtyqty joıyp, ata-ananyń qorǵaýynsyz qalǵan jáne múmkindigi shekteýli balalardyń máselesin sheshýimiz kerek, – dedi ol.
Sonymen qatar, Rahııa Seıtbekqyzy oblys kóleminde keıbir gımnazııa men lıeılerdiń eshqandaı kórsetkishteri bolmasa da 5-7 jyl aralyǵynda dırektorlyq qyzmette otyrǵandyǵyn synǵa aldy. Sondyqtan ol mektep pen ata-ana arasyndaǵy baılanysty arttyrýdy tapsyryp, aýdandardaǵy analar men ákeler mektebiniń qaǵaz júzinde bolmaýyn qadap aıtty.
Al Jambyl oblysynyń ákimi Asqar Myrzahmetov óziniń qortyndy sózinde «Pedagog Mártebesi týraly» zańǵa erekshe toqtaldy. Sondaı-aq, ol pedagog qyzmetkerlerdiń laýazymdaryna sáıkes 50-30%-ǵa deıin jalaqylarynyń kóbeıtiletindigin tilge tıek etti.
– Jambyl oblysynda óz isine adal ustazdar jetkilikti. Oǵan oqýshylardyń halyqaralyq ǵylymı jarystardan júldeli oryndardy ıelenip jatqandyǵy dálel bola alady. Onyń ústine túlekterdiń 65% grant ıegeri atanyp, Nazarbaev ýnıversıteti men shet eldik joǵary oqý oryndaryna túsýde. Alaıda mundaı jetistikterge kóbine Taraz qalasynyń gımnazııalary qol jetkizip jatqany jasyryn emes, – dedi oblys ákimi.
Sonymen qatar, ákim 2019 jylǵy Jambyl oblystyq konferenııasynyń sońynda birqatar úzdik pedagogtardy marapattap, aǵymdaǵy jyly Taraz qalasyndaǵy A.S.Pýshkın atyndaǵy №41 kóp salaly gımnazııanyń «Orta bilim beretin úzdik uıym» baıqaýynda jeńimpaz atanǵandyqtan 21 778 000 teńge sertıfıkatyn tabystady.
«ADYRNA»
ulttyq portaly
