82 jastaǧy Nūrǧali Nüsıpjanov jas qyzǧa üilendı

Änşı Qazaqstan Respublikasynyŋ Halyq ärtısı Nūrǧali Nüsıpjanov üilendı, - dep habarlaidy Tengrinews.kz tılşısı. Būl turaly Quandyq Eşmet esımdı azamat Instagram jelısındegı paraqşasynda habarlaǧan. Onyŋ aituynşa, toi keşe, 26 tamyzda Almaty qalasynda ötken. "Qazaqstan Respublikasynyŋ halyq ärtısı, Memlekettık syilyqtyŋ, Qazaqstan jastar Odaǧy syilyǧynyŋ, Qyrǧyzdyŋ Abylas Moldabaev atyndaǧy halyqaralyq syilyqtarynyŋ laureaty, Özbekstan respublikasynyŋ eŋbek sıŋırgen mädeniet qyzmetkerı Nūrǧali Nüsıpjanov aǧamyz 26 tamyz künı otau tıktı qūtty bolsyn!", - dep jazǧan Quandyq Eşmet. Paraqşanyŋ iesı "Qūrmettı qazaq elı! Jeŋgemız qūtty bolsyn!" dep Nūrǧali Nüsıpjanov pen Jadyra esımı jazylǧan bannerdıŋ aldynda tūrǧan jūbailardyŋ suretın salǧan.  "Nūrǧali aǧamyzdy jaqsy tanimyz ǧoi. Ol rastalǧan aqparat. Men özım ol toiǧa bara almai qaldym. Kerek deseŋız videosyn da jariialai alamyn", - dep naqtylady mälımet Quandyq Eşmet Tengrinews.kz tılşısıne telefon arqyly. Nūrǧali Nüsıpjanov - 1937 jyly 5 qaŋtarda Taldyqorǧan oblysynyŋ Gvardiia audanyndaǧy Küreŋbeldıŋ (Altynemel) janyndaǧy Dolanaly auylynda tuǧan. Ol - Qazaqstannyŋ halyq ärtısı. Qazaqstannyŋ memlekettık syilyǧynyŋ laureaty. Parasat, Qūrmet ordenderınıŋ iegerı. Halyqqa ke taraǧan "Öz elım", "Saryjailau", "Alatau" änderın aitqan.   https://www.youtube.com/watch?v=yYQtQyKWegk  

"Adyrna" ūlttyq portaly