«Qazaqmys» kompaniiasynyŋ Balqaş qalasy maŋyndaǧy «Saiaq-3» şahtasynda qaiǧyly oqiǧa bolyp, ekı jūmysşy qaza tapty, dep habarlaidy «Adyrna» tılşısı.
Kompaniianyŋ mälımetınşe, 6 qazan künı şahtada kömırtegı gazy bölıngen.
«Barlyq jūmysşy jedel türde evakuasiialandy. Zardap şekkender jaqyn jerdegı medisinalyq mekemelerge jetkızıldı. Ökınışke qarai, ekı jūmysşy qaza boldy»,—delıngen habarlamada.
Qazırgı taŋda oqiǧanyŋ män-jaiy men sebepterı anyqtalyp jatyr. Qaiǧyly jaǧdaidy tekseru üşın arnaiy komissiia qūryldy.
«Qazaqmys» basşylyǧy qaza tapqandardyŋ otbasylary men jaqyndaryna köŋıl aityp, marqūmdardyŋ otbasylaryna qajet barlyq kömek körsetıletının mälımdedı.
Eske salaiyq, 2023 jyldyŋ 27 qaraşasynda Jambyl oblysyndaǧy «Jaisan» kenışınde jazataiym oqiǧa bolyp, saldarynan ekı adam qaza tapqan edı.
