Qaraǧandy oblysy men Saran qalasynyŋ äkımdıkterı, Qaraǧandy oblysynyŋ Tötenşe jaǧdailar departamentı dala örtın söndıru kezınde qaza tapqan 24-ÖSB azamattyq qorǧau serjanty Hali Hairattyŋ otbasyna köŋıl aitady.
1991 jyly tuǧan Hali Hairat 2014 jyldyŋ 12 mamyrynan bastap azamattyq qorǧau organdarynda qyzmet etken. Ol Saran qalasynda tūrǧan, joǧary käsıbilıgı men jauapkerşılıgımen erekşelengen.
Qaza tapqan ört söndıruşınıŋ üiıne oblys äkımı Ermaǧanbet Bölekpaev, onyŋ orynbasary Älıbek Äldenei jäne Saran qalasynyŋ äkımı Erkın Baulyqov bardy. Qaraǧandy oblysynyŋ äkımı marqūmnyŋ el aldyndaǧy eŋbegı ūmytylmaitynyn jetkızdı.
«Dala örtı kezınde qaza tapqan batyrymyz Hali Hairattyŋ otbasyna köŋıl aittym. Onyŋ dala örtımen küresu kezındegı erlıgı naǧyz batyldyq pen adaldyqtyŋ ülgısı bolyp tabylady. Hali Hairat öz ömırın halqyna qyzmet etuge jäne tuǧan jerın qorǧauǧa arnady. Osynau qiyn sätte bız Halidıŋ tuystarynyŋ qaiǧylaryna ortaqtasyp, qoldauymyzdy körsetemız. Onyŋ jarqyn beinesı men el aldyndaǧy eŋbegı ūmytylmaidy»,—dedı ol.
Marqūmnyŋ otbasyna jerleu ıs-şaralaryn ötkızuge barlyq qajettı kömek körsetıledı. Üide feldşerlık jäne psihologiialyq qyzmetter kezekşılık etedı. Otbasyn qoldau boiynşa barlyq qajettı şaralar Qaraǧandy oblysy äkımdıgınıŋ tūraqty baqylauynda.
Oqiǧanyŋ män-jaiy anyqtaluda. Sotqa deiıngı tergeu bastaldy.
Esterıŋızge sala keteiık, 6 qazanda Qarqaraly audanynda dala örtı tūtandy. Ony joiu üşın TJM barlyq qyzmetterı, onyŋ ışınde TJD 111 qyzmetkerı, qūqyq qorǧau organdary, 27 türlı tehnika jūmyldyryldy, ört söndırudıŋ jedel ştaby aşyldy. Oblys äkımı oqiǧa ornynda jedel ştabpen keŋes ötkızdı.
