Sonymen elde ekı jyl boiy AES-tı salu-salmau turaly eles bolyp kezgen, du-du äŋgımenıŋ basy anyqtaldy. Keşegı referendumda dauys beruşınıŋ 71,12% qoldady. Aldyna ala qorytyndynyŋ nätijesı osy. Özımnıŋ boljamym būdan on paiyzǧa tömenırek dep oilaǧam. Bıraq, Prezidenttıŋ ärbır kelelı halyqtyq jiynda, Joldaularda, kezdesulerdegı döp sözderı, odan qaldy qoǧamdyq nasihattyq baǧyt jūmystary bır jarym jylda anaǧūrlym körsetkışke äkeldı. Keşe ǧana bır taksi jürgızuşınıŋ äbden iutub pen tik-toktan nebır infosyǧannyŋ bırjaqty sözderınen dälelsız tüigen oilaryn, AES-ŋ salynuy öte maŋyzdy dep köndırgen edım. Aqyry menı tastap sailau uchaskesıne bır-aq tartyp ketkenı bar. Būdan bylaişa aitqanda, köp jūrtqa dūrys qarapaiym tüsındırmenıŋ qajettıgı körınedı.
Negızı AES-tı saluǧa öz ortamda bıraz qoldau bar, bälkım, oqyp, taldai alatyn orta bolǧandyqtan şyǧar.
AES-ke degen küdık pen üreidıŋ seiılgenı bar. Mamandardyŋ aldyŋǧy qatarǧa şyqqanyn köruge bolady. Äitpese, kım körıngenı aestanuşy bolyp bara jatqan edı...
Referendumǧa deiın elde türlı qoǧamdyq taldaular, ǧylymi ortalarda qyzu talqylar öttı. Ärine, qarsy şyǧuşy tarap ta boldy. Olar Chernobyldı, Semeidı aitty, bıraq balyq pen tauyqty salystyrǧandai mysaldary aqylǧa qonbady. Şamasy atom bombasy men atom energetikasyn soǧan qarǧanda älı de bılmegenı ǧoi.
Soŋǧy otyz jylda tehnologiia men ǧylym köz jetkızbestei jyljuda. Qazırgı AES-ter tabiǧat apattary bolsyn, bolmasyn, bärıne daiyn. Bır japonnyŋ qalasynda 19 AES bar. Al endı künde jersılkınısı ötetın Japoniia, AES-tı saludan bas tartpai saluyn küşeitude. Öitkenı, zamanaui AES bır emes bırneşe saqtandyru jüiesımen jabdyqtalady. Keşegı Prezidenttıŋ sözderı de osyǧan dälel. Otandyq AES halyqaralyq konsorsium arqyly bırneşe damyǧan eldıŋ tehnologiiasymen salynbaq.
Sonymen, AES salyp jatqan 20 eldıŋ ışıne bızde kıretın boldyq. Aitqandai, memleket jaŋa ǧasyrdyŋ ırı ambisiialyq jobasyn bastaidy. Būl keleşek ūrpaqtyŋ igılıgı.
Qara kömırdıŋ tütınıne ulanbai, energiiany qyruar qarjyǧa şetelden satyp almai, qalai bolǧanda da özımızdıŋ AES-mızge qol jetkızemız, būiyrsa.
Qazaqstan halqynyŋ 71,12% osy damudy qoldady. Qūtty bolsyn!
Maqsat Jaqau
