«Hutor» qylmystyq toby. Qūzyrly organ ökılderı pıkır bıldırdı

Işkı ıster ministrınıŋ bırınşı orynbasary Bauyrjan Älenov Talǧar audany äkımdıgınıŋ apparat basşysy Aslan Qasymbaevtyŋ jūmysqa ornalasuyna qatysty pıkır bıldırdı, dep habarlaidy “Adyrna” ūlttyq portaly. «Talǧar audanynyŋ äkımdıgı apparatynda jūmys ıstep jatqan adam memlekettık qyzmetke tūrar aldynda bırneşe tekserısten ötedı. Bızde arnaiy jäne özge tekserısterden ötedı. Eger būl jerde qandai da bır kedergıler bolsa, ol adam memlekettık qyzmetke tūra almaityn edı», - deidı Bauyrjan Älenov. Al Almaty oblysynyŋ prokurory Berık Adamovtyŋ aituynşa, Eŋbek kodeksı boiynşa eger tuǧan aǧaŋ sotty bolsa jūmysqa ornalasuǧa kedergı kelmeidı. «Būl jaǧdaiǧa qatysty aitatyn bolsaq, ol jūmysqa ornalasqannan keiın qandai da bır tuysy qylmys jasauy mümkın. Būl memlekettık qyzmetker jūmystan şyǧuy kerek degendı bıldırmeidı. Al «Hutor» qylmystyq toby jaily aitatyn bolsaq, Talǧar audanynda «Hutorskii» degen audan bar. Mümkın, sol audan tūrǧyndaryn Hutordan, hutorlyq deuı mümkın. Al bügınde ondai qylmystyq top joq», - deidı Adamov. Osyǧan deiın Talǧar qalasynda 16 jasar Şerzat Bolattyŋ ölımınen keiın, äleumettık jelılerde jäne keibır aqparat qūraldarynda Talǧar audany äkımdıgı apparat basşysynyŋ osy qylmysty jasaǧandarmen bailanysy turaly aqparat tarady. Audannyŋ apparat basşysy Aslan Qasymbaev «hutorlyq Hasan» degen atpen tanymal qylmystyq tūlǧanyŋ tuǧan bauyry ekenı jazylyp jatyr. Al olardyŋ taǧy bır aǧaiyny ıstı bolǧany belgılı bolǧan.