Däulet Tūrlyhanovtyŋ ūlynyŋ soty kütpegen jerden keiınge qaldyryldy

Almatyda Däulet Tūrlyhanovtyŋ ūly Nūrasyl Bolatqa qatysty sot otyrysy keiınge şegerıldı, dep habarlaidy «Adyrna» ūlttyq portaly. Būǧan deiın ol probasiialyq baqylaudy būzǧany üşın sottalǧan edı. Jazany bas bostandyǧyn şekteuden bas bostandyǧynan aiyruǧa auystyru mäselesın şeşu üşın Almaty qalasy Qylmystyq ızdestıru basqarmasynan sotqa materialdar kelıp tüstı. Istı №2 Medeu audandyq sotynyŋ sudiasy Qanat Arinov qaraidy. «Sottalǧan Bolat Nūrasyl Däuletūlyna qatysty sottyŋ bas bostandyǧyn şekteu türındegı jazany bas bostandyǧynan aiyru jazasyna auystyru turaly Almaty qalasy boiynşa Qylmystyq-tüzetu mekemesınıŋ Medeu audandyq probasiia qyzmetınıŋ ūsynysyn qarastyryp jatyrmyz», – dedı sudia. Alaida Nūrasyl Bolattyŋ advokaty proseske qatysa almaǧandyqtan, otyrys keiınge şegerıldı. Advokat Qūsaiynova sot otyrysyn basqa künge auystyru turaly ötınış berdı. Qorǧauşy sotqa daiyndalu üşın uaqyt sūrady. «Sot taraptardyŋ pıkırın tyŋdap, sot otyrysyn basqa künge qaldyrdy. Öitkenı bız advokatsyz sot otyrysyn ötkıze almaimyz. Qorǧau qūqyǧy zaŋ talaptaryn būzbau üşın qazır eşqandai ötınıştı qarai almaimyz», - dedı sudia Qanat Ärınov. Sot otyrysy 21 qazan saǧat 15:00-ge şegerıldı. 2024 jyldyŋ mamyr aiynda Nūrasyl Bolat advokat Oleg Chernov pen onyŋ äielı Annany ūryp-soqqany üşın ekı jylǧa bas bostandyǧynan aiyrylǧan edı. Nūrasyl Bolat bas bostandyǧyn şekteu jazasyn ötep, Almaty probasiia qyzmetınıŋ esebınde tūrdy. Oǧan tüngı uaqytta şyǧuǧa şekteu qoiyldy. Alaida, bırer kün būryn Nūrasyl Bolattyŋ toida jürgenı turaly aqparat tarady. Probasiialyq baqylaudy būzu faktısı boiynşa sottaluşyǧa eskertuler berılıp, jazany bas bostandyǧynan aiyru jazasyna auystyru mäselesın şeşu üşın sotqa materialdar daiyndaldy. Esterıŋızge sala keteiık, 2023 jyldyŋ 11 aqpanyna qaraǧan tünı Almatyda Nūrasyl Bolat erlı-zaiypty advokattar Chernova men Dmitrievichtı ūryp-soqqan bolatyn. Keiınırek Tūrlyhanovtyŋ ūly merzımdı qyzmettıŋ qatardaǧy jauyngerı ekenı belgılı boldy jäne ol zaŋgerlerdı ūrǧan jerde bolmauy kerek edı. Nūrasyl Bolatqa qatysty ıstı äskeri sot QK-nıŋ 107-baby 2-bölıgınıŋ 1 jäne 5-tarmaqtary «būzaqylyq nietpen ekı adamǧa auyrlyǧy ortaşa densaulyqqa qasaqana ziian keltıru» boiynşa qarady. 9 qazanda Sot Bolatty özıne tiesılı qylmys jasaǧany üşın kınälı dep tauyp, 1 million 700 myŋ teŋge aiyppūl türınde jaza taǧaiyndady. 2024 jylǧy 14 mamyrda Joǧarǧy sot ıstı kassasiiada qarap, Nūrasyl Bolat üşın ükımdı özgerttı. Ol ekı jylǧa bas bostandyǧynan aiyryldy jäne ötemaqy mölşerı ūlǧaityldy.