Qazaqstanda 2024 jyldyŋ III toqsanynda jalpy salmaǧy 475,5 kelı bolatyn 14 000-ǧa juyq altyn qūima satyldy. Būl turaly bügın Ūlttyq banktıŋ baspasöz qyzmetı jazdy, dep habarlaidy «Adyrna» tılşısı.
Halyqqa tazartylǧan altyn qūimalardy satu jäne satyp alu baǧdarlamasyn Ūlttyq Bank 2017 jyly ıske qosqan bolatyn. Baǧdarlama qolǧa alynǧaly jalpy salmaǧy 7,4 tonna 199 235 altyn qūima satyldy.
«Altyn qūimalar bes türlı salmaqta ūsynylady: 5, 10, 20, 50 jäne 100 g. Satyp aluşylar arasynda öte joǧary sūranysqa ie türı – 10 gramdyq altyn qūima. Jalpy satylǧan qūimalar arasynda onyŋ ülesı 24% – 48 629 dana. Odan keiın 100 gramdyq altyn qūima – 47 227 dana (24%), 5 gramdyq qūima – 44 127 dana (22%), 20 gramdyq qūima – 31 612 dana (16%), jäne 50 grammdyq qūima – 27 640 dana (14%)»,—delıngen habarlamada.
Ūlttyq banktıŋ mälımetınşe, altyn qūimalardyŋ eŋ köp bölıgı Almaty (8 101 dana, 58%), Şymkent (1 279 dana, 9%) jäne Astanada (1 243 dana, 9%) satylǧan.
