Respublika künı qarsaŋynda ǧalymdar, ūstazdar men därıgerler marapattaldy

Ūlttyq mereke – Respublika künı qarsaŋynda Prezident Qasym-Jomart Toqaevtyŋ Jarlyǧymen elımızdıŋ äleumettık-ekonomikalyq jäne mädeni damuyna, halyqtar arasyndaǧy dostyq pen yntymaqty nyǧaituǧa qosqan eleulı ülesı men belsendı qoǧamdyq qyzmetı üşın bır top azamat memlekettık nagradalarmen marapattaldy. Olardyŋ qatarynda bılım beru, densaulyq saqtau, mädeniet jäne ǧylym qairatkerlerı, öndırıs, biznes salalarynyŋ körnektı ökılderı, deputattar, memlekettık jäne qūqyq qorǧau organdarynyŋ qyzmetkerlerı, äskeri qyzmetşıler, sportşylar jäne eŋbek ardagerlerı bar. «Qazaqstannyŋ Eŋbek Erı» ataǧy otandyq ǧylymdy damytudaǧy airyqşa jetıstıkterı, sondai-aq qoǧamdyq qyzmettegı asa üzdık eŋbegı üşın Prezident janyndaǧy Qazaqstan Respublikasy Ūlttyq ǧylym akademiiasynyŋ vise-prezidentı A.Jūmadıldaevqa, eldıŋ äleumettık-gumanitarlyq damuyndaǧy asa üzdık jetıstıkterı üşın Almaty qalasy №4 arnaiy mektep-internatynyŋ mūǧalımı G.Nūrpeiısovaǧa, Oral qalasy A.Taimanov atyndaǧy №34 mektep-gimnaziiasynyŋ mūǧalımı E.Traisovaǧa jäne öndırıstık qyzmettegı erekşe eŋbegı üşın Qaraǧandy oblysy «Şahterskoe» jauapkerşılıgı şekteulı serıktestıgınıŋ direktory G.Prokopqa berıldı. «Otan» ordenımen Kardiohirurgiia jäne transplantologiia ǧylymi-klinikalyq ortalyǧynyŋ direktory S.Joşybaev pen körnektı aqyn, Memlekettık syilyqtyŋ laureaty N.Orazalin marapattaldy. I därejelı «Barys» ordenı Parlament Mäjılısı Töraǧasynyŋ orynbasary A.Rauǧa, R.Baǧlanova atyndaǧy «Qazaqkonsert» memlekettık akademiialyq konserttık ūiymynyŋ ärtısı N.Önerbaiǧa, eŋbek ardagerlerı Q.Jaqypovqa, Ö.Ozǧanbaevqa, V.Redkokaşinge jäne S.Şäkıratqa, Almaty qalasy «Persona» halyqaralyq klinikalyq reproduktologiia ortalyǧynyŋ basşysy V.Lokşinge, II därejelı «Barys» ordenı Qazaqstannyŋ Germaniia Federativtık Respublikasyndaǧy Tötenşe jäne Ökılettı elşısı N.Onjanovqa jäne eŋbek ardagerı J.Şärıpovke, III därejelı «Barys» ordenı Premer-Ministrdıŋ orynbasary T.Düisenovaǧa, şahmattan älem chempiony B.Asaubaevaǧa, Qyzylorda oblysynyŋ äkımı N.Nälıbaevqa, Taraz qalalyq Qoǧamdyq keŋesınıŋ töraǧasy S.Seidäzımovke tabystaldy. Sonymen qatar bır top belgılı ǧalym, mädeniet, bılım salasynyŋ qairatkerlerı jäne öndırıs ökılderı, memlekettık qyzmetkerler «Parasat» ordenınıŋ iegerı atandy. Olardyŋ qatarynda Almaty qalasy «Akuşerlık, ginekologiia jäne perinatologiia ǧylymi ortalyǧy» aksionerlık qoǧamy Direktorlar keŋesınıŋ töraǧasy Z.Amanjolova, Qyzylorda oblysy Şielı audanyndaǧy «Arǧymaq» jauapkerşılıgı şekteulı serıktestıgınıŋ direktory O.Baidılda, «Qazaqstan avtorlar qoǧamy» respublikalyq qoǧamdyq bırlestıgınıŋ bas direktory B.Esenäliev, Qazaq ūlttyq öner universitetınıŋ professory H.Qalilambekova, S.Seifullin atyndaǧy Qaraǧandy oblystyq qazaq drama teatrynyŋ akterı K.Kemalov, M.Äuezov atyndaǧy ädebiet jäne öner institutynyŋ bas direktory K.Matyjanov, Türkıstan oblysynyŋ äkımı D.Satybaldy, «Maǧjan» ädebi-körkem jurnalynyŋ bas redaktory J.Süleimenov, Şymkent qalasynyŋ äkımı Ǧ.Syzdyqbekov, M.Äuezov atyndaǧy Qazaq ūlttyq drama teatrynyŋ aktrisasy D.Temırsūltanova bar. Ūltaralyq beibıtşılıktıŋ damuyna sıŋırgen eleulı eŋbegı üşın «El bırlıgı» ordenımen Qazaqstan halqy Assambleiasynyŋ müşesı S.Geroev, kürdterdıŋ «Barbang» qauymdastyǧynyŋ töraǧasy A.Aliev, «Misva» qauymdastyǧynyŋ töraǧasy A.Baron jäne «Dinar-Elektromaş» jauapkerşılıgı şekteulı serıktestıgınıŋ teŋ qūryltaişysy S.Vişniak marapattaldy. Elımızdıŋ damyp, örkendeuıne eleulı eŋbegı sıŋgen bır top azamat, sonyŋ ışınde Almaty qalasyndaǧy «Baldäuren» balalardy oŋaltu ortalyǧy» KMK direktory Ş.Abesov, «Astana» halyqaralyq qarjy ortalyǧynyŋ basqaruşysy R.Bektūrov, Astana qalalyq Jas körermender teatrynyŋ aktrisasy S.Esliamova, skripkaşy J.Serkebaeva, Qosşy qalasyndaǧy mektep-gimnaziianyŋ direktory D.Asqarova «Qūrmet» ordenımen marapattaldy. Būdan bölek, önerkäsıp, transport, qūrylys, auyl şaruaşylyǧy jäne basqa da öndırıs salalarynyŋ jūmysşylary men eŋbekkerlerı II jäne III därejelı «Eŋbek daŋqy» ordenın ielendı. «Qazaqstannyŋ eŋbek sıŋırgen qairatkerı» qūrmettı ataǧy ǧylym jäne mädeniettıŋ körnektı ökılderıne tabystaldy. Qazaq ädebietınıŋ körnektı ökılderı, aqyn-jazuşylar T.Medetbek, V.Mihailov jäne İ.Saparbai «Qazaqstannyŋ halyq jazuşysy» ataǧyna ie boldy. «Qazaqstannyŋ halyq ärtısı» qūrmettı ataǧy elımızdıŋ körnektı mädeniet qairatkerlerı: teatr jäne kino akterlerı K.Jūmabekovke, L.Kädenge, O.Korjevaǧa, İ.Lebsakqa, R.Mahpirovaǧa, G.Şyntemırge jäne Ä.Ydyryşevqa, opera änşılerı M.Mūhamedqyzy men J.Baspaqovaǧa, dirijer A.Mūhitdinov pen küişı S.Tūrysbekke, sondai-aq belgılı änşı M.Iliiasovaǧa berıldı. Sonymen qatar biyldan bastap qūrmettı ataqtar qataryna «Qazaqstannyŋ eŋbek sıŋırgen därıgerı» ataǧy qosyldy. «Ūlttyq ǧylymi medisinalyq ortalyǧy» aksionerlık qoǧamynyŋ bas direktory A.Baigenjin, «Ūlttyq ǧylymi onkologiia ortalyǧy» jauapkerşılıgı şekteulı serıktestıgı gematologiia ortalyǧynyŋ basşysy V.Kemaikin jäne Qaraǧandy oblystyq klinikalyq auruhanasynyŋ därıgerı B.Shai jaŋa qūrmettı ataqtyŋ alǧaşqy iegerlerı atandy. Äskeri jäne qyzmettık boryşyn ülgılı atqarǧany, zaŋdylyq pen qūqyqtyq tärtıptı qamtamasyz etude, eldıŋ ūlttyq qauıpsızdıgı men qorǧanys qabıletın nyǧaitu kezınde körsetken erlıgı üşın äskeri qyzmetşıler men qūqyq qorǧau organdary ökılderınıŋ bır toby I jäne II därejelı «Daŋq» ordenımen, II jäne III därejelı «Aibyn» ordenımen, «Erlıgı üşın» jäne «Jauyngerlık erlıgı üşın» medaldarymen marapattaldy. Atap aitqanda, suǧa batyp bara jatqan adamdy qūtqarǧany üşın R.Qoşqarbaev atyndaǧy III därejelı «Aibyn» ordenımen Ūlttyq ūlannyŋ «Şyǧys» öŋırlık qolbasşylyǧynyŋ aǧa jauyngerı J.Permabek, «Erlıgı üşın» medalımen Pavlodar oblysy polisiiasynyŋ uchaskelık aǧa inspektory E.Qoiken, Aqtöbe qalasynyŋ polisiia inspektory F.Nūrmanov, Taldyqorǧan qalasynyŋ polisiia inspektory S.Serıkqaliūly, jasöspırımdı örtten qūtqarǧany üşın Atyrau qalasy polisiiasynyŋ uchaskelık inspektory D.Qorǧanbaev nagradtaldy. Jalpy biylǧy memlekettık nagradalardy taǧaiyndauda qarapaiym jūmysşylardyŋ märtebesın asyruǧa, eŋbek äuletterınıŋ qoǧamdaǧy abyroi-bedelın arttyruǧa airyqşa män berıldı. Marapat ielerınıŋ qatarynda 450-den astam jūmysşy, 137 pedagog, 80-nen asa ǧalym, 100-ge juyq qūtqaruşy men erıktı bar. Eŋbek dinastiialaryn marapattau dästürı biyl da jalǧasyn tapty. Būl joly mūǧalımder, öndırısşıler, temırjolşylar äuletterı qūrmetke bölendı.