2024 jyldyŋ 23 qazanynda BŪŪ Bas hatşysy Antoniu Guterriş Reseidıŋ Qazan qalasyna XVI BRİKS sammitıne qatysu üşın keldı. Bas hatşyny qala merı İlsur Metşin qarsy aldy. Būl sammitke 36 eldıŋ jäne alty halyqaralyq ūiymnyŋ ökılderı qatysuda, dep habarlaidy «Adyrna» ūlttyq portaly.
Sammit aiasynda bırneşe joǧary deŋgeilı kezdesuler ötude. Atap aitqanda, Resei prezidentı Vladimir Putin men Qytai töraǧasy Si Szinpinnıŋ Qazan Kremlınde ötken kezdesuı halyqaralyq tūrǧyda nazar audartty.
Sammit barysynda sauda, ekonomika, tehnologiia, sondai-aq jaŋa jahandyq ekonomikalyq jüienı qūru mäselelerı talqylandy. Tatarstan öz kezegınde qonaqtardy ūlttyq dästürlermen tanystyryp, joǧary deŋgeidegı ūlttyq taǧamdar ūsynyp, mädeni baǧdarlamalar ūiymdastyrdy.
BŪŪ Bas hatşysynyŋ sammitke qatysuy älemdık saiasatta ülken rezonans tudyrdy. AQŞ Memlekettık departamentı būl qadamdy erekşe atap ötıp, BŪŪ-nyŋ Reseidıŋ Ukrainaǧa basyp kıruıne qarsy ūstanymyn eske saldy. AQŞ Memlekettık departamentınıŋ ökılı Vedant Patel atap ötkendei, Amerika Qūrama Ştattary BRİKS-tıŋ keibır elderımen, sonyŋ ışınde Braziliia, Ündıstan jäne Oŋtüstık Afrikamen ekıjaqty negızde jaqsy qarym-qatynastar ornatqan. Sonymen qatar, Qytaimen bäsekelestıktı basqaru maŋyzdy maqsat retınde qarastyryluda, al Reseige qatysty Vaşington agressiiaǧa qarsy ūstanymyn saqtaitynyn mälımdedı.
Aita ketu kerek, BŪŪ Bas hatşysy būdan aldyn Şveisariia ūiymdastyrǧan Ukraina mäselesı boiynşa "Beibıtşılık sammitıne" qatyspaǧan edı.BRİKS sammitı 24 qazanǧa deiın jalǧasady jäne onyŋ nätijelerı jahandyq ekonomikalyq jäne saiasi sahnadaǧy negızgı baǧyttarǧa yqpal etuı mümkın.
