Patriottyq ruh – qoǧamnyŋ bırlıgın nyǧaityp, eldıŋ damuyna üles qosuǧa yntalandyratyn maŋyzdy faktor. Sondyqtan būl sezımdı damytuda bılım beru, mädeniet, jäne ūlttyq bırlık maŋyzdy röl atqarady. El bırlıgı, täuelsızdıgı jäne bolaşaǧy üşın patriottyq sezımderdı damytu – qoǧamnyŋ tūraqtylyǧy men tabysynyŋ basty kepılı.
Eŋ aldymen, patriotizm turaly tüsınıkke tolyǧyraq anyqtama bereiık. Patriotizm – būl adamnyŋ öz Otanyna degen mahabbaty, ony qorǧauǧa, damytuǧa jäne qūrmetteuge degen şynaiy sezımı. Patriotizm jeke adamnyŋ memleketpen, qoǧammen, tuǧan jerımen jäne ūlttyq qūndylyqtarmen tyǧyz bailanysyn körsetedı. Būl tüsınık tarihi, mädeni jäne ruhani tūrǧyda qalyptasqan jäne ol azamattyŋ özınıŋ elıne degen boryşyn, jauapkerşılıgın jäne adaldyǧyn bıldıredı…
Al endeşe patriottyq sezımdı oiatuǧa arnalǧan ädısterdı tızbekteitın bolsaq:
Bırınşı orynda tübı tereŋ tarihymyzdy bılu. Tarihty zerttep bılu arqyly adamdardyŋ öz elınıŋ ötkenıne degen qūrmetı men maqtanyşyn arttyruǧa bolady. Tarihi oqiǧalar men jeŋıster turaly aqparattar, ūly tūlǧalar sonyŋ ışınde Abai Qūnanbaiūly, Maǧjan Jūmabaev, Mūhtar Äuezov, Ahmet Baitūrsynūly, Älihan Bökeihan taǧy basqada ziialy qauymnyŋ şyǧarmalary patriottyq sezımdı odan ärmen küşeitedı.
Sondai-aq ūlttyq merekelerdı, mädeni festivalderdı, öner körmelerın ūiymdastyru arqyly halyqtyŋ öz mädenietıne jäne dästürlerıne degen süiıspenşılıgın oiatuǧa bolady. Mysaly, ūlttyq änder, biler, salt-dästürlerdıŋ saqtaluy halyqtyŋ bırlıgı men maqtanyşyn arttyrady.
Ūlttyq simvoldardy qūrmetteu. Tudy, eltaŋbany jäne änūrandy nasihattau: Ūlttyq rämızderdı qasterleu patriotizmnıŋ maŋyzdy bölıgı. Jastardy mektep qabyrǧasynan bastap ūlttyq rämızderge degen qūrmetke üiretu arqyly olardyŋ memleketke degen süiıspenşılıgı arta tüsedı. Memlekettık merekelerdı toilau. Täuelsızdık künı, Konstitusiia künı, Memlekettık rämızder künı, sonymen qatar jaqyndap kelıp qalǧan Respulika künı (25 qazan) sekıldı memlekettık merekelerdı halyq arasynda keŋınen atap ötu ūlttyq bırlıktı küşeitedı. Jastardy patriottyqqa tärbieleu. Mektepterde, universitetterde patriottyq tärbie beru maŋyzdy. Oquşylarǧa memlekettıŋ tarihy, mädenietı, geografiiasy jäne jetıstıkterı turaly aqparat beru olardyŋ elge degen süiıspenşılıgın arttyrady. Jastardy qoǧamdaǧy mäselelerdı şeşuge belsendı qatysuǧa şaqyru arqyly ruhyn köteremız.
Sporttaǧy jarqyn jeŋıster arqyly Ūlttyq sportşylardy qoldau. Sportşylardyŋ halyqaralyq arenalardaǧy jeŋısterı halyqty ruhtandyrady jäne patriottyq sezımdı oiatady. Halyqaralyq sporttyq jarystarda Qazaqstannyŋ sportşylarynyŋ jeŋısterı patriotizmnıŋ aiqyn körınısı bolyp tabylady. Jappai sportty damytu: Sporttyq ıs-şaralarǧa qatysu arqyly jastardy patriotizmge tärbieleu mümkındıgı bar.
Memlekettık qyzmet jäne äskeri mındet. Äsker qataryna şaqyrtu jäne ony märtebelı mındet retınde qabyldau jastardyŋ el aldyndaǧy jauapkerşılıgın arttyrady. Būl patriotizmnıŋ küştı körınısı bolyp tabylady.Memlekettık qyzmetke qūştarlyqty tärbieleu: Memlekettık qyzmetke degen qyzyǧuşylyqty arttyru jäne halyqqa qyzmet etuge ūmtylu arqyly patriottyq sezımdı küşeituge bolady.
Ūlttyq qūndylyqtardy därıpteu Ūlttyq tıl men dästürdı saqtai otyra bız elge degen öz qūrmetımızdı körsetemız. Tıldı saqtau arqyly ūlttyq bıregeilık pen patriotizmdı qoldau jüzege asady. Ūlttyq qūndylyqtardy nasihattau: Halyqtyŋ ruhani jäne moraldyq qūndylyqtaryn nasihattap, ūrpaqtan-ūrpaqqa jetkızu patriotizmdı nyǧaituda maŋyzdy.
Qoǧamdyq aqparat qūraldary arqyly patriotizmdı oiatu. Teledidar, radio, internet arqyly patriottyq baǧdarlamalar, derektı filmder men tarihi dramalardy körsetu halyq arasynda patriottyq sezımderdı oiatady. Äleumettık media platformalarda eldıŋ jetıstıkterı men patriottyq qūndylyqtardy nasihattau, ūltqa degen süiıspenşılıktı arttyruda tiımdı qūral boluy mümkın.
Patriottyq sezımdı damytu — būl ūzaq merzımdı jūmys, bıraq dūrys jūmys şaralar arqyly är azamattyŋ öz elıne degen maqtanyşyn oiatyp, elge qyzmet etuge yntalandyruǧa bolady.
Mūratqyzy Aigül
