Ükımet basşysy Oljas Bektenov elordada jeŋıl relstı kölık (LRT) jelısın salu jönındegı jobaǧa şolu jasady, dep habarlaidy "Adyrna" ūlttyq portaly.
Premer-ministrdıŋ sözınşe, qūrylys jūmystarynyŋ qarqyny artyp keledı. Sol sebeptı qūrylysty bäseŋdetpeu maŋyzdy. Ctansiialardyŋ negızgı temırbeton konstruksiialary qūrylysyn 2024 jyldyŋ soŋyna deiın aiaqtau josparlanyp otyr. Al kelesı jyly relsterdı töseu, stansalardy ärleu jäne jyljymaly qūramdardy jetkızetın depo qūrylysyn jürgızu, Qabanbai batyr daŋǧyly men Qaldaiaqov köşesı boiyndaǧy estakadalyq bölıktı abattandyru jürgızıledı.
Ükımet baspasöz qyzmetınıŋ deregınşe, bügınde LRT estakadasynyŋ arqalyqtaryn töseu kezeŋı aiaqtaldy.
"Jeŋıl relstı jelınıŋ jalpy ūzyndyǧy 22,4 km qūraidy. LRT qūramyna 18 stansiia kıredı. 652 adam syiatyn 19 jyljymaly qūramdy ıske qosu josparlanyp otyr. Qozǧalys aralyǧy 4-5 minutty qūraidy. Bastapqy kezeŋde täulıgıne 25 myŋ adam jolauşylar aǧyny bolady degen boljam bar. Būl rette jolauşylar aǧyny eŋ joǧary uaqytta täulıgıne 92 myŋ adamǧa jetuı mümkın. Tölem jüiesı qalalyq analogy boiynşa kölık kartasyn validasiialau nemese QR-kod arqyly töleu arqyly qarastyrylǧan", – delıngen habarlamada.Stansiia aumaǧynda premer-ministr qūrylys barysynda qoldanylatyn tehnologiialyq şeşımdermen tanysty.
"Jobany ıske asyruǧa China Construction Sixth Bureau, Yunnan Construction and Investment Holding Group Co., Longjian Road and Bridge Co., Tianjin Rail Transit Group Co., CRRC Tangshan Co LTD. siiaqty joǧary standarttardy saqtauymen tanymal qytailyq jetekşı kompaniialar tartylǧan. Sondai-aq CRSCInternational, CASCO, HUAWEI Smart Transport BU kompaniialary kölık jüiesınıŋ qauıpsız ärı tiımdı jūmysyn qamtamasyz etude şeşuşı röl atqaratyn bailanys, dabyl jäne avtomattandyru jüielerın retteuge qatysady", – dedı ükımet baspasöz qyzmetı.China Railway Asia-EuropeConstruction Investment qosalqy merdıger kompaniiasynyŋ bas direktory Chjou Haivei innovasiialyq tehnologiialar qoldanylyp jatqanyn baiandady.
"Memleket basşysy elımızdıŋ kölık jüiesın damytuǧa ülken köŋıl bölınıp jatyr. LRT jobasy boiynşa infraqūrylymdy daiyndau jönınde qyruar jūmys jürgızıldı, qarajat bölındı. LRT elorda tūrǧyndary men qonaqtaryna qyzmet körsetedı. Qūrylys jūmystarynyŋ qarqyny artyp keledı, ony bäseŋdetpeu maŋyzdy. Joba eŋ joǧary deŋgeide jüzege asyryluy kerek. Äkımdık pen ortalyq memlekettık organdar tarapynan baqylau küşeitıluge tiıs. Nätijege jūmys ısteimız", — dedı premer-ministr.
Ūqsas jaŋalyqtar
