Bügın – Respublika künı. Būl data 1990 jyly Qazaq KSR Joǧarǧy Keŋesınıŋ «Qazaq KSR-nıŋ memlekettık egemendıgı turaly» deklarasiiany qabyldaǧan künmen tıkelei bailanysty, dep habarlaidy “Adyrna” ūlttyq portaly.
Sovet odaǧy qūramyndaǧy Qazaqstan 1990 jylǧy 25 qazanda «Qazaq SSR-ınıŋ memlekettık egemendıgı turaly deklarasiia» qabyldady. Onda «Qazaq Sovettik Sosialistik Respublikasy - egemendi memleket, ol basqa respublikalarmen Egemendi Respublikalar Odaǧyna erikti türde birigedi jäne olarmen özara qatynastaryn şarttyq negizde qūrady» dep atap körsetıldı.
Qūjatta «Qazaq SSR-ınıŋ Odaqtan erkin şyǧu pravosyn özinde saqtap qalatyny» aitylǧan. Deklarasiia boiynşa, Qazaq SSR-ınıŋ memlekettik ökimet biligi «Respublika işinde, sondai-aq Odaqtyq şartta belgilengen şeŋberde» derbes, tolyq boluǧa tiıs edı. Degenmen onda keibır ökılettıktıŋ Mäskeudegı ortalyqpen aqyldasyp şeşıletını de atap körsetılgen. «Qazaq SSR Bas prokurorynyŋ kandidaturasyn Respublika Prezidenti SSRO Bas prokurorymen kelise otyryp ūsynady jäne Qazaq SSR Joǧarǧy Soveti bekitedi» delıngen qūjatta.
Qazaq SSR-ınıŋ memlekettık egemendıgı turaly deklarasiiasy qabyldanǧan kün, 25 qazan keiın 1995 jyly 18 qazanda «Respublika künı» retınde ataldy. 2001 jyly qabyldanǧan zaŋ boiynşa 25 qazan memlekettık merekeler qataryna qosyldy. 2009 jyly «Qazaqstan Respublikasyndaǧy merekeler turaly» qoldanystaǧy zaŋǧa özgerıster engızılıp, Respublika künı atausyz qaldy.
2022 jyly Respublika künı Ūlttyq mereke retınde qaitadan atalyp öte bastady, al 16 jeltoqsan ädettegıdei Täuelsızdık künı bolyp qaldy.
Ūqsas jaŋalyqtar
