Aqtauda 12 jastaǧy jasöspırım qyz üstıne futbol qaqpasy qūlap, jaraqat aldy. Oqiǧaǧa qatysty Aqtau qalalyq tūrǧyn-üi kommunaldyq şaruaşylyq bölımı tüsınıkteme berdı, dep habarlaidy “Adyrna” ūlttyq portaly.
Aqparatqa säikes, auruhanada jasöspırımnıŋ maŋdaiy men qabaǧyn tıgıp bergen. Jäbırlenuşı qyzdyŋ otbasy qarjylyq kömekke mūqtaj ekenı äleumettık jelıde jazyldy.
Oqiǧaǧa qatysty Aqtau qalalyq tūrǧyn-üi kommunaldyq şaruaşylyq bölımı tüsınıkteme berdı. Aitularynşa, tozyǧy jetken aulalar abattandyrylyp, oiyn alaŋdary jöndelıp jatqan.
"Qala aumaǧyndaǧy tozyǧy jetken sport alaŋdaryn jaŋartu maqsatynda jaŋadan 50 dana sport alaŋyn ornatu josparlanyp, merdıger mekeme anyqtalǧan bolatyn. Ol - "Kompaniia Stroi İndustriia" JŞS", - deidı vedomstvo.
Merdıger aulalardyŋ tızımın jasap, ıske kırısıp te ketken.
"Oqiǧa bolǧan 2-şaǧyn audandaǧy №71 tūrǧyn üidıŋ maŋynda ornalasqan futbol alaŋyn jaŋartu maqsatynda demontaj jūmystary jürgızıldı. Demontajdalǧan jabdyqtar tolyqtai şyǧarylyp, tehnikaǧa tielgen. Alaida ekı futbol qaqpasy tehnikaǧa syimai qalǧandyqtan alaŋda qaldyrylǧan", - deidı TKŞ bölımı.
Jasöspırımnıŋ üstıne bos tūrǧan qaqpa qūlaǧan. Qazırgı künı Aqtau qalalyq polisiia basqarmasymen bırlesıp, tiıstı şara qabyldau maqsatynda monitoring jūmystary jürgızılude, deidı qalalyq TKŞ.
Al merdıger "Kompaniia Stroi İndustriia" JŞS "Lada.kz" portalyna balaǧa qajettı kömektıŋ bärı körsetıletının aitty.
"Bızdıŋ jūmysşylar jūmystaryn keşkı saǧat 19:00-ge deiın ıstedı. Al oqiǧa 18:00-19:00 arasynda bolǧan. Jūmysşylar ıstegen jūmystaryn sol uaqytta vatsapqa jıbergen de bolatyn. Kelesı künı olar qalǧan zattardy alyp ketuge kelgen. Bıraq qaqpany alyp ketpedı. Öitkenı tūrǧyndar öz qarajatyna satyp alǧandyqtan qaldyruymyzdy sūraǧan", - deidı merdıger mekeme basşysy Eldar Amanǧaliev.
Ol sondai-aq zardap şekken qyzdyŋ tuystarymen bailanysqanyn aitty
"Qazır Aqtauda jäne Astanada därıger ızdeimız. Barlyǧyn töleuge daiyn - därı-därmekter, operasiia. Qazır tyrtyqtardy jazuǧa mümkındık beretın operasiialar bar. Qyzǧa barynşa kömektesemız", - dedı Eldar Amanǧaliev.
