Qaraǧandy oblysyna qarasty Saran qalasynyŋ äkımı Erkın Baulyqov qalada jylu beru mausymynyŋ bastaluynda olqylyq jıbergenı üşın qyzmetınen bosatyldy. Qala basşysy qyzmetın uaqytşa Maqsat Qaireşov atqaratyn boldy. Būl turaly oblystyq äkımdık mälımdedı, dep habarlaidy “Adyrna” ūlttyq portaly.
"Qaraǧandy oblysy äkımınıŋ ökımımen Saran qalasynyŋ äkımı Erkın Baulyqov qalada jylu beru mausymynyŋ bastaluynda olqylyq jıbergenı üşın atqaratyn qyzmetınen bosatyldy", - delıngen äkımdıktıŋ resmi saitynda jariialanǧan aqparatta.
Äkımdık mälımetınşe, qala basşysy mındetın uaqytşa osyǧan deiın Saran qalasy äkımınıŋ orynbasary bolǧan Maqsat Qaireşov atqarady.
Eske salsaq, būǧan deiın Qaraǧandy oblysyndaǧy Saran qalasynda qala tūrǧyndary äleumettık jelıde jylusyz otyrǧanyn aityp, şaǧymdanǧan edı. Keiın Saran qalasynyŋ äkımı Erkın Baulyqov osy mäselege qatysty videoündeu joldady.
Ükımet otyrysynda osy mäsele kezekten tys köterılıp, premer-ministr Oljas Bektenov qaladaǧy jaǧdai boiynşa tekserıs jürıp jatqanyn, tekseru nätijesı boiynşa materialdar qūqyq qorǧau organdaryna jıberıletının aitty.
Al 16 qazanda Sarandaǧy üilerdı mamandar qaitadan eskı qazandyqtarǧa qosyp jatqany mälım boldy. 28 qazanda qyzmettık mındetterın tiısınşe oryndamaǧany üşın, atap aitqanda, jylytu mausymyna daiyndyqty jetkılıksız türde baqylaǧany üşın Saran qalasynyŋ äkımı Erkın Baulyqov pen Qaraǧandy oblysynyŋ energetika jäne TKŞ basqarmasynyŋ basşysy Tılektes Dosaev qataŋ sögıs alǧany, al oblys äkımınıŋ bırınşı orynbasary Azamat Taijanovqa eskertu türınde tärtıptık jaza jariialanǧany mälım boldy.
