Prezident Qasym-Jomart Toqaev qosymşa bes paiyzdyq zeinetaqy audarymdaryn engızu mäselesın 2023 jylǧa deiın qaldyrdy, - dep habarlaidy Tengrinews.kz tılşısı.
Būl turaly Toqaev Parlamenttıŋ bırıkken otyrysynyŋ VI şaqyrylymynyŋ 5-sessiiasy barysynda aitty.
"Ükımetke qosymşa bes paiyzdyq zeinetaqy audarymdaryn engızu mäselesın 2023 jylǧa deiın qaldyrudy tapsyramyn. Keiınırek osy mäselege taǧy oralamyz. Sol uaqytqa deiın ükımettegıler, biznes ökılderı jäne sarapşylar bır kelısımge keluı kerek", - dedı Memleket basşysy Qazaqstan halqyna joldauyna.
Eske salaiyq, mūnyŋ aldynda Prezidenttıŋ bügın, 2 qyrküiekte halyqqa Joldau jariialap, onda ışkı saiasi mäseleler, azamattardyŋ qūqyqtary men bostandyqtaryn qorǧau, ekonomikany jaŋǧyrtu, halyqty äleumettık qamsyzdandyru mäselelerı aitylatyny habarlanǧan edı.
Memleket basşysynyŋ baspasöz qyzmetınıŋ jetekşısı Berık Uälidıŋ aituynşa, Joldau bügın saǧat 11:00-de Parlament palatalarynyŋ bırlesken otyrysynda jariialanyp, saǧat 15:00-de barlyq respublikalyq telearnadan körsetıledı.
"Adyrna" ūlttyq portaly
