Mäjılıs deputaty Rinat Zaiytov Ükımet basşysy Oljas Bektenovten memleket basşysynyŋ tapsyrmasy nege oryndalmaitynyn sūrady, dep habarlaidy "Adyrna" ūlttyq portaly.
«Jalpy ministrler kabinetınde memleket basşysynyŋ tapsyrmasy boiynşa 400 jaily mektep salynuy kerek edı. Alaida ol 369 mektepke tüstı jäne 157 mekteptı saluǧa älı aqşa joq bolyp otyr. 2024 jyldyŋ säuırınen bastap memleket basşysynyŋ tapsyrmasy boiynşa eŋ tömengı jalaqy 85 myŋ teŋgege ūlǧaityluy kerek edı. Ekonomika ministrınıŋ aituynşa, būl mäselede de qozǧalystar joq. 2025 jylǧa deiın 95 paiyz jergılıktı joldardyŋ barlyǧy jöndeluı kerek edı, mūnyŋ da ıske asuy neǧaibyl ekenıne kelısetın şyǧarsyz. Taǧysyn taǧy jetıp jatyr. Elge bergen, bızge bergen uädelerdı aityp oryndalmaǧan uädelerdı aityp, eşkımnıŋ betın qyzartpai-aq qoiayn. Ministrler kabinetınde sözdıŋ bätuasy bolmauynyŋ sebebı nede jäne sızdıŋ osyny aldyn alu üşın qandai josparyŋyz bar?», – dep sūrady deputat.Rinat Zaiytovtyŋ ūzyn-sonar sūraǧyna Ükımet basşysy qysqa-nūsqa jauap berdı.
«Ükımettıŋ jūmysy memleket basşysynyŋ tapsyrmasyn oryndauǧa baǧyttalǧan. Bızdıŋ barlyq ıs-äreketımız soǧan bailanysty. Osy biudjettı qaraǧan kezde 32 trilion teŋgege ötınımder tüstı. Bıraq qolymyzda bar qarajat 15-aq trillion teŋge. Osy qarajattyŋ şeŋberınde bız barlyq jūmystardy ūiymdastyryp jatyrmyz. Al ary qarai ekonomikamyzdy damytyp, elde joǧary öŋdelgen tauarlardy öndıruımız qajet. Sonda biudjettık kırıster ösıp, uädelerdıŋ bärı oryndalatyn bolady», – dedı ol.Bügın Mäjılıstıŋ jalpy otyrsyna Ükımet basşysy Oljas Bektenov bastaǧan ministrler kabinetınıŋ müşelerı tügel keldı. Mäjılıstıŋ kün tärtıbınde QR Ūlttyq qorynan 2025 – 2027 jyldarǧa arnalǧan kepıldendırılgen transfert turaly» Qazaqstan Respublikasy Zaŋynyŋ jobasy qaralyp jatyr.
