Qazaqstanda avtomobil öndırısı ötken jylmen salystyrǧanda 2,1 paiyzǧa azaidy, dep habarlaidy "Adyrna" ūlttyq portaly.
Qazaqstan avtomobil odaǧynyŋ mälımetınşe, 2024 jyldyŋ alǧaşqy toǧyz aiynda elde 92 243 bırlık tehnika öndırıldı. Onyŋ ışınde:
- jeŋıl avtomobilder – 82 877 dana (-16,7 paiyzǧa azaiǧan),
- jük kölıkterı – 5 896 dana (-15,2 paiyzǧa azaiǧan),
- avtobustar – 1 838 dana (-7,5 paiyzǧa azaiǧan).
Qazaqstan avtomobil odaǧynyŋ prezidentı Anar Makaşevanyŋ aituynşa, öndırıs kölemınıŋ tömendeuı logistika, jabdyqtau, şikızat jäne qosalqy bölşekterdı jaqyn elder arqyly jetkızudegı uaqytşa qiyndyqtardy körsetedı.
Öŋırler boiynşa öndırıs kölemı:
- Qostanai (Allur) – 55 122 dana (-16,2 paiyz),
- Almaty (Hyundai Trans Kazakhstan, Hyundai Trans Almaty) – 29 583 dana (-21,9 paiyz),
- Semei (SemAZ, Daewoo Bus Kazakhstan) – 3 933 dana (+36,1 paiyz),
- Qaraǧandy oblysy (QazTehna) – 1 008 dana (+1,5 paiyz),
- Kökşetau (KAMAZ-İnjiniring) – 812 dana (-13,7 paiyz),
- basqa öndıruşıler – 1 755 dana (+9,3 paiyz).
Eske sala keteiık, 2022 jyly "ÖKM Operatorynyŋ" şottarynda tūrǧan 220 milliard teŋgenıŋ 100 milliard teŋgesın jeŋıldetılgen avtonesiege baǧyttau turaly şeşım qabyldanǧan bolatyn. Jeŋıldetılgen avtonesielerge ötınımder nebary 18 sekundta qabyldanǧan.
Keiınnen būl qarajatty qalalyq avtobustardy jeŋıldetılgen paiyzdyq mölşerlememen lizingke alu üşın baǧyttau turaly şeşım qabyldandy. Önerkäsıp jäne qūrylys ministrı Qanat Şarlapaevtyŋ aituynşa, būl şeşım dūrys bolǧan.
"Būl qarajat qalalyq, aimaqtyq jäne oblys ortalyqtaryndaǧy qoǧamdyq kölıktı damytuǧa jūmsaldy. Menıŋşe, būl dūrys şeşım: jeŋıldetılgen nesie berudıŋ ornyna, qoǧamdyq kölık sapasyn jaqsartyp, köptegen azamattarymyzdyŋ qajettılıgın qamtamasyz etemız. Osylaişa, jeŋıldetılgen nesie beru mäselesın bız bır jarym jyl būryn jauyp, qarjyny tek qoǧamdyq kölıktı damytuǧa baǧyttadyq," – dedı ministr.
Basqalarmen bölıse
otyryŋyz
