Memleket basşysy Novi-Sad qalasyndaǧy temırjol vokzalynda bolǧan qaiǧyly oqiǧa saldarynan köptegen adamnyŋ qaza tabuyna bailanysty Serbiia Prezidentı Aleksandr Vuchichke köŋıl aitty, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
– Osyndai auyr sätte dostas Serbiia halqynyŋ qaiǧy-qasıretıne ortaqtasyp, barşa qazaqstandyqtardyŋ jäne jeke öz atymnan Sızge, jaqyndarynan aiyrylǧan otbasylarǧa qaiǧyra köŋıl aitamyn. Oqys oqiǧada baqilyq bolǧandardyŋ tuystaryna sabyr, al zardap şekken jandardyŋ tez arada sauyǧyp ketuın tıleimın,– dep jazylǧan jedelhatta.Eske sala keteiık, Novi-Sad qalasyndaǧy temırjol vokzalynda beton şatyr qūlap, 14 adam qaza tapqan edı. Osyǧan bailanysty Serbiia bilıgı 2 qaraşany aza tūtu künı dep jariialady.
