Futboldy damytu mäselelerı talqylanǧan jiynda oblys äkımı Ermaǧanbet Bölekpaev «Şahter» klubynyŋ basqaru modelın synǧa aldy. Soŋǧy kezde komandanyŋ sporttyq jetıstıkterı köŋıl könşıtpeidı. Qazırgı mausym qorytyndysy boiynşa «Şahter» tızımde soŋǧy orynda, iaǧni Premer-ligadan şyǧyp, Bırınşı liga deŋgeiıne tüsuge – basty ümıtker.
– Būl – öŋırlık futbol saiasatynda jüielı türde oryn alǧan olqylyqtardyŋ nätijesı. Ökınışke qarai, klubtyŋ ūzaq merzımdı damytu mejesı, marketingtık strategiiasy joq, – dedı aimaq basşysy. – Futbolşylardyŋ ırıkteu jüiesı syn kötermeidı. 25 futbolşynyŋ 12-sı – legioner. Jalpy alǧanda, klub şeteldık legionerlerdı qoldau qoryna ainaldy. Tūraqty qarjylyq model jasalmaǧan.
Tyǧyryqtan şyǧu joly retınde Ermaǧanbet Bölekpaev bırqatar şūǧyl jäne strategiialyq şaralardy qabyldau qajettıgın mälımdedı. Onyŋ ışınde basqaru täsılder men kadrlyq qūramdy qaita qarau – kezek küttırmeitın mäsele. Bır aidyŋ ışınde klubtyŋ strategiiasyn äzırleu kerek, onyŋ aiasynda futbol infraqūrylymyn damytu josparyn eskeru qajet.
Sondai-aq, oblys äkımı balalar men jasöspırımder futbolyn damytu, otandyq mamandardy daiarlauǧa qatysty tapsyrmalar berdı.
Bırınşıden, öŋırlık DSK-lar negızınde «Şahter» futbol klubynyŋ filialdaryn aşu qajet. Būl klub akademiiasyna ırıkteu üşın seleksiialyq jüie qūruǧa mümkındık beredı. Ekınşıden, jergılıktı jas daryndarǧa jol aşu maqsatynda kelesı jyly balalar men jasöspırımder komandalary arasynda futbol turnirın ūiymdastyrudy tapsyrdy.
– Memleket basşysy käsıbi jäne būqaralyq sportty damytu boiynşa bırqatar mındetterdı aiqyndap berdı. Osyǧan bailanysty joǧary bılıktı mamandardy daiarlau qajet. Oblysta balalar men jasöspırımder futbolyn damytu boiynşa futbol ortalyǧy men akademiianyŋ jūmysyn küşeitu qajet. Balalar jattyqtyruşylaryn oqytudy, onyŋ ışınde olardy şetelde oqytu mümkındıkterın qarastyru kerek, – dep atap öttı Ermaǧanbet Bölekpaev.
Naqty sporttyq meje – «Şahter» kelesı mausymda-Premer-liga qūramyna oraluy kerek.
Jiyn barysynda Ermaǧanbet Bölekpaev futbol men sportty damytudyŋ jalpy jospary turaly aityp berdı. Mäselen, Qaraǧandyda sporttyq klaster qūrylyp, onyŋ aiasynda UEFA standarttaryna säikes zamanaui stadion, jyl boiy jattyǧuǧa bolatyn futbol manejın salu josparlanuda. Ol üşın qala aumaǧynda 67 gektar jer qarastyrylǧan. Būdan basqa, kelesı jyly qaladaǧy Ortalyq stadion jaŋartylady.
