ŪQŞŪ bas hatşysy İmanǧali Tasmaǧambetov Mäskeude TMD-ǧa müşe elderdıŋ qauıpsızdık keŋesterı hatşylarynyŋ 12-otyrysyna qatysty. Būl turaly ūiymnyŋ baspasöz qyzmetı mälımdedı, dep habarlaidy “Adyrna” ūlttyq portaly.
Öz kezegınde İmanǧali Tasmaǧambetov ŪQŞŪ perimetrı boiynşa jäne jalpy älemdegı mynadai qauıp-qaterdı tızıp şyqty:
- Batys Europa aumaǧynda alys qaşyqtyqtaǧy qarudy ornalastyru turaly qabyldanǧan amerikalyq-germandyq şeşım qūrlyqta jäne tūtastai alǧanda, älemde iadrolyq-zymyrandyq qarulanudyŋ qaita jandanu qaupın tudyrǧan;
- Belarus pen Resei Federasiiasynyŋ şekaralarynda NATO qaruly küşterı men aqparattyq soǧys ortalyqtarynyŋ şoǧyrlanuy jalǧasyp jatyr. Finliandiia men Şvesiia Soltüstık Atlantikalyq aliansqa qosylǧannan keiın strategiialyq jaǧdai naşarlaǧan;
- Reseimen qaruly qaqtyǧysty jalǧastyru üşın Ukrainaǧa ekonomikalyq, qarjylyq jäne äskeri qoldau artyp barady. Ülken aumaqtarda, sonyŋ ışınde ūrys aimaǧynan tys jerlerde apatty saldarǧa äkeletın atom elektr stansiialaryndaǧy tötenşe oqiǧalardyŋ qaupı bırneşe ese artqan;
- Jasandy intellekttı äskeri maqsatta paidalanudyŋ qarqyndy damuy, ölımge äkeletın avtonomdy qaru jüielerınıŋ (LAWS) jappai öndırısı jäne olardy paidalanudy naqty retteudıŋ joqtyǧy siiaqty halyqaralyq tūraqtylyqqa qatysty mäseleler küşeie tüsken.
Ūqsas jaŋalyqtar
