Qazaqstan prokuraturasy elden milliondaǧan teŋge qarajatty jymqyryp, qaşqan azamattyŋ ūstalǧanyn mälımdedı, dep habarlaidy "Adyrna" ūlttyq portaly.
Būl turaly Bas prokuratura mälımdedı.
9 qaraşa künı Bas prokuratura Qazaqstan Respublikasynyŋ Stokgolmdegı elşılıgınıŋ qoldauymen Şvesiia Koroldıgınen Qazaqstan azamatyn asa ırı kölemde bötennıŋ mülkın jymqyrǧany üşın qylmystyq jauapkerşılıkke tartu maqsatynda ekstradisiialady. Tergeu nūsqasy boiynşa, küdıktı 2015 jyldan 2020 jylǧa deiın Şymkenttegı sauda ortalyǧynda jūmys ıstei jürıp, şamamen 57 million teŋge qarajatty jymqyryp ülgergen.
Qylmysker jasyrynyp, halyqaralyq ızdeu jariialanǧan. Biyl aqpanda küdıktı Şvesiiada ūstalǧan bolatyn.
Qazaqstan Respublikasynyŋ Bas prokuraturasynyŋ sūrauy boiynşa ol Qazaqstanǧa ekstradisiialanyp, qazırgı uaqytta Astana qalasyndaǧy tergeu izoliatorynda otyr.
Būl qylmys üşın 7 jyldan 12 jylǧa deiın bas bostandyǧynan aiyru jazasy közdelgen, sonymen qatar mülıktı tärkıleu jäne 10 jylǧa deiın belgılı bır lauazymdardy atqaruǧa nemese belgılı bır qyzmet türlerımen ainalysu qūqyǧynan aiyru jazasy qarastyrylǧan.
Ūqsas jaŋalyqtar
