Äbliazov Fransiiadan şyǧaryla ma? Bas prokuratura pıkır bıldırdı

2073
Adyrna.kz Telegram
https://adyrna.kz/content/uploads/2023/07/c663d75f-cc07-4653-adca-c4ab063e4cb7.jpeg
Bas prokuraturada Mūhtar Äbliazovke 30 künnen keiın Fransiiadan şyǧu ūiǧarymy berılgenı turaly aqparat joq. Būl turaly vedomstvo mälımdedı, dep habarlaidy “Adyrna” ūlttyq portaly.
Qazaqstan Respublikasynyŋ Bas prokuraturasy Fransiia bilıgınıŋ M.Äbliazovty elden şyǧaru turaly şeşım qabyldady delıngen aqparatqa qatysty būl derektı rastaityn nemese terısteitın senımdı mälımetınıŋ joq ekendıgın habarlaidy, - dep atap öttı atalǧan vedomstvo agenttıktıŋ resmi saualyna orai.
Sondai-aq, bas prokuratura şeteldık azmattardy elden şyǧaru mäselesı, olardyŋ köşı-qon zaŋnamasyn saqtauy Fransuz Respublikasynyŋ ǧana ışkı ısı ekendıgın atap ötedı. Memlekettık organ Mūhtar Äbliazov ūiymdasqan qylmystyq toptyŋ qūramynda bırqatar auyr jäne asa auyr qylmys jasaǧany üşın Qazaqstannyŋ qūqyq qorǧau organdary tarapynan ızdeude jürgenın aitty. Bas prokuratura ökılettı organ retınde Äbliazovty ekstradisiialau boiynşa qylmystyq prosessualdyq zaŋnamada jäne halyqaralyq şarttarda közdelgen şaralardy qabyldap jatyr.
Būǧan qosa, QR Qylmystyq prosessualdyq kodekstıŋ 201-baby 1-tarmaǧyna säikes, atalǧan sotqa deiıngı tergeu, onyŋ ışınde qylmystyq ıs boiynşa halyqaralyq qūqyqtyq yntymaqtastyqqa qatysty mälımetter jariia etuge jatpaidy. Sondyqtan sızderdıŋ saualdaryŋyzǧa qatysty jan-jaqty aqparat qazırgı uaqytta berılmeidı, - dep tüsındıredı vedomstvodan.
Pıkırler