Qytai men Moŋǧoliiadan Qazaqstanǧa köşıp kelgen adamdar sany rekordtyq deŋgeige jettı

2024 jyldyŋ toǧyz aiynda Qytaidan Qazaqstanǧa tūraqty tūruǧa 1451 adam, al Moŋǧoliiadan 1088 adam qonys audarǧan, dep habarlaidy «Adyrna» ūlttyq portaly.  Būl körsetkış 2023 jyldyŋ säikes kezeŋımen salystyrǧanda Qytai boiynşa 177%-ǧa, al Moŋǧoliia boiynşa 172%-ǧa ösken. Sondai-aq, Qytaidan kelgen migranttardyŋ sany 2017 jyldan bergı eŋ joǧary körsetkış bolsa, Moŋǧoliiadan kelgender sany 2011 jyldan bergı eŋ ülken körsetkış bolyp otyr. Qonys audarǧandardyŋ basym köpşılıgı – etnikalyq qazaqtar. Qytaidan kelgenderdıŋ 98%-y, al Moŋǧoliiadan kelgenderdıŋ 99%-y qazaq ūltynyŋ ökılderı. Qytaidan kelgenderdıŋ şamamen är besınşısı Almaty oblysynda tūrudy taŋdasa, jartysy Astana men Almaty qalalaryna qonystanǧan. Moŋǧoliiadan kelgender arasynda eŋ tanymal öŋır – Aqmola oblysy (33%). Sonymen qatar, olardyŋ üşten bırıne juyǧy elorda men Almatyny taŋdaǧan.