Kek qaitaru ma? Student oǧynan 8 adam qaza tapty, 17 adam jaralandy

Qytaidyŋ şyǧysynda ornalasqan Sziansu provinsiiasyndaǧy kolledjde student pyşaqpen şabuyl jasady. Nätijesınde 17 adam jaraqattanyp, 8 adam qaza tapty, dep habarlaidy "Adyrna" ūlttyq portaly  DW-ge sılteme jasap. İsin qalasynyŋ polisiiasy habarlaǧandai, şabuyldauşy 21 jastaǧy student bolǧan, ol biyl oqu ornyn bıtırıp şyǧuy kerek edı, bıraq emtihandaryn tapsyra almaǧan. Polisiia ony qylmys ornynda ūstap, būl äreketın kek alu maqsatynda jasaǧanyn aitty. Qytaida qoǧamdyq oryndarda şabuyldardyŋ sany artyp keledı Qyrküiek aiynda Şanhai maŋyndaǧy supermarketke pyşaqpen şabuyl jasaǧan qylmysker 3 adamdy öltırıp, 15 adamdy jaraqattaǧan. Qazan aiynda Pekin qalasyndaǧy bastauyş mektep maŋynda 50 jastaǧy er adam 5 adamdy pyşaqtaǧan, onyŋ üşeuı bala. Al 11 qaraşada Guandun provinsiiasyndaǧy Chjuhai qalasynda 62 jastaǧy er adam sport ortalyǧynyŋ aumaǧynda adamdardy qaqqan. Osy oqiǧadan 35 adam qaza tauyp, 43 adam jaraqat alǧan.