Qazaqstan mūsylmandary dıni basqarmasy tūrmysqa şyqqan qyzǧa berıletın qalyŋ mal men mähırdı bırıktırdı. Būl turaly müftiiattyŋ baspasöz hatşysy Aǧabek Qonarbaiūly aitty, dep habarlaidy «Adyrna» tılşısı.
«Qazaq dästürınde qalyŋmal – qalyŋdyq üşın berıletın mal-dünie. Eger ekı jas ajyrasqan jaǧdaida qalyŋdyq maly qyzdyŋ ielıgınde qalatyn bolǧan. Osy tūrǧydan qalyŋmaldy mähır dep sanauǧa bolady», — dep jazdy ol.
Resmi ökıl «äke eŋbegı», «ana sütı» jäne taǧy da basqa qyzdyŋ äke-şeşesıne, tuystaryna berıletın mal-mülıktıŋ mährge sanalmaitynyn mälımdedı.
QMDB baspasöz qyzmetı osy mäselege qatysty müftiiat şeşımın jariia ettı.
«Şeşım: Küieuı tarapynan berıletın qalyŋmaldy qyzdyŋ razylyǧymen mähırge jatqyzuǧa jäne artynan alyp baratyn jasauyna paidalanuǧa bolady. «Äke eŋbegı», «ana sütı» sekıldı qyzdyŋ äke-şeşesıne, tuystaryna berıletın mal-mülık (kädesyi, t.b.) mähırge jatpaidy»,—delıngen habarlamada.
