Auyl äkımınıŋ sottaluy hikaiaǧa ainaldy

Almaty oblysy Talǧar audany Panfilov auyldyq okrugınıŋ eks-äkımı Nūrǧali Appazov  2020 jyly belsendıge qaruly şabuyl jasaǧany üşın jäne 2022 jyly äkım qyzmetınde bolǧan kezınde jer mäselelerı boiynşa alaiaqtyq äreketterı üşın sottalǧan dep habarlaidy "Adyrna" ūlttyq portaly  Tengrinews.kz-ke sılteme jasap. 2019 jyly Nūrǧali Appazov Talǧar audany äkımdıgı ǧimaraty janynda Ǧaliia Arzamasova esımdı belsendıge qaruly şabuyl jasaǧannan keiın şudyŋ ortasynda qaldy. Şabuylǧa qatysy bar dep tanylǧandardyŋ qatarynda eks-äkım men onyŋ jürgızuşısı boldy. Olarǧa qarsy ıs "Qaru qoldanu arqyly jasalǧan būzaqylyq" baby boiynşa qozǧaldy. Degenmen 2019 jyldyŋ qazan aiynda Appazovtyŋ 6 312 500 teŋge kölemınde kepıl somasyn tölep, uaqytşa bosatylǧany belgılı boldy. 2020 jyldyŋ qyrküiegınde Talǧar audandyq soty Nūrǧali Appazovty belsendıge jasalǧan şabuyl ısı boiynşa 7 jylǧa bas bostandyǧynan aiyryp, memlekettık qyzmette jūmys ısteu qūqyǧynan aiyruǧa ükım şyǧardy. Onyŋ jürgızuşısı taraptardyŋ tatulasuyna bailanysty bosatyldy. Köp ūzamai būl oqiǧa  ūmytylmai tūryp, Appazovqa qatysty taǧy bır dau şyqty. Būl joly ol jer uchaskelerıne qatysty alaiaqtyq jasady dep aiyptaldy. 2015-2019 jyldar aralyǧynda Panfilov auyldyq okrugınıŋ äkımı bolyp qyzmet atqarǧan Appazov, ūiymdasqan qylmystyq top qūramynda Almaty oblysynyŋ Kyzyltu auyly maŋynda jäne Almaty äuejaiynyŋ ainalasynda memlekettık jer qorynan zaŋsyz türde 191 uchaske satu arqyly 12,733 gektar jerdı satqan. 2022 jyldyŋ mausymynda Appazov bilıktı asyra paidalanu ärı terıs paidalanu jäne alaiaqtyq boiynşa 6 jylǧa bas bostandyǧynan aiyryldy. Alǧaşqy jazasyn eskere otyryp,  8 jylǧa qamau jazasy taǧaiyndaldy. Qylmystyq-atqaru jüiesı komitetınıŋ aituynşa Appazov jazasyn türmede ötegen, bıraq keiınırek sot şeşımımen jazasy jeŋıldetılıp, aiyppūlǧa auystyrylǧan. Keiınırek Almaty oblystyq soty 2023 jyldyŋ 14 qyrküiegınde Appazovtyŋ jazasyn jeŋıldetu turaly şeşımnıŋ küşın joiu turaly şeşım qabyldaǧan. 2024 jylǧy 8 aqpandaǧy sot otyrysynda būl şeşımnıŋ küşın joiu turaly jaŋa şeşım şyqqan. Sonda da Appazovtyŋ türmege qaita oralmaǧany jäne qylmystyq-atqaru jüiesınıŋ mekemelerınde tızımge engızılmegenı belgılı boldy. Keiınırek ışkı ıster ministrlıgı Appazovtyŋ ūstalǧanyn, uaqytşa ūstau izoliatoryna jıberılgenın jäne koloniiaǧa jıberıluın kütıp otyrǧanyn habarlady.