Qaraǧandy oblysynda biyl auyl şaruaşylyǧy tauaryn öndıruşılerdı memlekettık qoldauǧa 23,5 mlrd teŋge bölındı. Būl subsidiialau qajettılıgın tolyǧymen jabady. Soŋǧy üş jylda fermerler aldynda qaryzdar men ötpelı ötınımder joq.
Auyl şaruaşylyǧy tauaryn öndıruşıler Memleket basşysynyŋ tapsyrmalaryn oryndau üşın jürgızılıp jatqan agrarlyq salany damytu jönındegı jūmystyŋ tiımdılıgın atap ötedı.
- Soŋǧy jyldary bızdıŋ agrarlyq qauymdastyq aitarlyqtai özgerısterge ūşyrauda. Būl rette memlekettıŋ rölı zor. Qoldau şaralary būryn-soŋdy bolmaǧan. Tek jaqsy jūmys ısteu kerek! Biyl bız egın egu, öŋdeu jäne jinau prosesterın jedeldete aldyq. Nätije köp küttırmedı: jinalǧan astyq kölemın edäuır arttyra otyryp, önımdılık boiynşa rekordtyq körsetkışterge qol jetkızdık, - deidı aldyŋǧy qatarly şaruaşylyqtardyŋ bırı "Şahterskoe" JŞS-nıŋ direktory Georgii Prokop. - Bıryŋǧai uaqyt beldeuıne köşu de öz artyqşylyqtaryn berdı. Mehanizatorlar dalaǧa erterek şyǧa alady. Būl bızge kündızgı uaqytty tiımdı paidalanuǧa jäne jaqsy jaǧdaida jūmys ısteuge mümkındık beredı. Tiısınşe, būl eŋbek önımdılıgıne äser etedı.
Aita ketu kerek, biyl qaraǧandylyq agrarşylar soŋǧy 13 jylda dändı daqyldar men kartoptan rekordtyq önım aldy. Al jalpy auyl şaruaşylyǧy önımderın öndıru boiynşa öŋır elımızde jetınşı orynda tūr.
Mal şaruaşylyǧynda da oŋ dinamika baiqalady. Et jäne süt önımderın öndıru tūraqty ösude.
- Endı bız taŋǧy 4-5-ten bastap jūmys uaqytyn tiımdırek böle alamyz. Būl äsırese maldy tamaqtandyruǧa, januarlardy kütuge jäne qataŋ belgılengen uaqytta jasaluy kerek veterinarlyq proseduralarǧa qatysty öte maŋyzdy. Būl önımdılıktı arttyruǧa kömektesedı. Sonymen qatar, energiia men küş jūmsau aitarlyqtai tömendedı, öitkenı taŋerteŋgı uaqyt äldeqaida salqyn. Bız januarlarmen jūmys jasai otyryp, olar üşın ärqaşan qolaily jaǧdai qūruǧa tyrysamyz, - dep atap öttı "Şans" şarua qojalyǧynyŋ basşysy, Qazaqstan fermerler odaǧynyŋ Qaraǧandy filialynyŋ töraǧasy İgor Jabiak.
AÖK-ke investisiialar östı. Biyl 13,5 mlrd teŋgege 18 joba ıske asyryldy, taǧy 12 joba jeltoqsan aiynyŋ soŋyna deiın ıske qosylady dep josparlanuda.
Qaraǧandy oblysynyŋ auyl şaruaşylyǧy basqarmasy
