Aqmola oblysynda esırtkı qūramdas ösımdıkterdı ösırgen auyl tūrǧyny ūstaldy

Ereimentau audanynyŋ tūrǧyny internetten üirenıp, esırtkı qūramdas ösımdıkterdı ösırıp, fitolaboratoriia qūrǧan, dep habarlaidy «Adyrna» ūlttyq portaly.  Būl turaly aimaqtyq polisiia departamentınıŋ baspasöz qyzmetı habarlady. «Ereimentau audany aumaǧynda uchaskelık inspektorlar «Qūqyqtyq tärtıp» jedel-aldyn alu şarasy aiasynda zaŋsyz fitolaboratoriia jūmysyn toqtatty», – delıngen baspasöz habarlamasynda. Tekseru barysynda polisiia qyzmetkerlerı esırtkı qūramdas ösımdıkter ösırılgen ydystar men öŋdelgen şikızatty tärkıledı. Şikızattyŋ naqty qūramy men salmaǧyn sot-himiialyq saraptama anyqtaidy. «Küdıktınıŋ aituynşa, ösımdıkterdıŋ tūqymyn ol jaz mezgılınde özı jinap, arnaiy bölme daiyndaǧan. Qajettı jabdyqtardy: şamdar, termoreguliatorlar, jeldetkışter satyp alǧan. Esırtkı qūramdas ösımdıkterge qalai kütım jasau jäne olardan şikızat daiyndau turaly aqparatty ol internetten alǧan», – dep tüsındırdı polisiia deprtamentı. Qazırgı uaqytta osy faktı boiynşa sotqa deiıngı tergeu amaldary jürgızılude.