Prezident Toqaev - "Euraziia" kinofestivalı üzdık jobalarǧa jol aşady dep senemın

Almatyda XVII Halyqaralyq «Euraziia» kinofestivalınıŋ saltanatty aşyluy öttı. Is-şaraǧa orai Qazaqstan Prezidentı Qasym-Jomart Toqaev arnaiy qūttyqtau hatyn joldady. Memleket basşysynyŋ qūttyqtauyn QR Mädeniet jäne aqparat ministrı Aida Balaeva oqyp berdı. «Būl – töl mädenietımızdı küllı älemge tanytatyn bıregei joba. Biylǧy baiqau qazaq kinosynyŋ korifeiı Şäken Aimanovtyŋ tuǧanyna 110 jyl jäne «Qazaqfilm» kinostudiiasynyŋ qūrylǧanyna 90 jyl toluymen tūspa-tūs kelıp otyr. Mūnyŋ simvoldyq mänı zor. Kino önerı jūrtşylyqty jasampazdyq pen jaŋaşyldyqqa şaqyrady, jalpy adamzatqa ortaq qūndylyqtardy därıptep, ūlt sapasyn jaqsartuǧa yqpal etedı. Sondai-aq türlı halyqtyŋ mädeni bailanysyn nyǧaitady», – delıngen qūttyqtau hatta. Memleket basşysy elımızde ūlttyq kinematografiiany qoldauǧa basa män berılıp otyrǧanyn da atap öttı. «Osy salany damytu üşın Qazaqstanda auqymdy jūmys atqarylyp jatyr. Mamandarymyz mazmūndy ärı maǧynaly kartinalar tüsırıp, aǧa buynnyŋ sara jolyn laiyqty jalǧastyryp keledı. Filmderımız bedeldı baiqaularda jülde alyp jür. «Euraziia» halyqaralyq kinofestivalı şyn jüirıkterdı anyqtap, eŋ üzdık jobalarǧa jol aşady dep senemın. Körermenge oi salyp, ruhani azyq bolatyn tuyndylaryŋyz köp bolsyn!» – dedı Prezident. Öz kezegınde Aida Balaeva «Euraziia» kinofestivalınıŋ Qazaqstan men bükıl Ortalyq Aziianyŋ mädeni brendıne ainalǧan bıregei forum ekenın atap ötıp, otandyq kino salasyn jüielı türde damytu, zaŋnamalyq bazany odan ärı jetıldıru boiynşa jūmystar jalǧasatynyn aitty. Halyqaralyq «Euraziia» kinofestivalı 24-30 qaraşa aralyǧynda ötedı. Festivalge 15-ten astam el qatysyp jatyr. Auqymdy şarany QR Mädeniet jäne aqparat ministrlıgı men Şäken Aimanov atyndaǧy «Qazaqfilm» ūlttyq kinostudiiasy ūiymdastyrǧan. Aita keteiık, biyl konkurs baǧdarlamasynda üş qūrlyqtan kelgen 12 film ūsynylady. Konkurs Bangladeş pen Oŋtüstık Koreiadan bastap, Avstriia men Katarǧa deiıngı elderdıŋ tuyndylaryn qamtidy. Europa, Aziia jäne Taiau Şyǧystan kelgen şyǧarmaşylyq toptar ämbebap taqyryptar men jergılıktı konteksttı bırıktıretın jūmystardy ūsynbaq.