24 qaraşa künı Aqtöbe qalasyndaǧy äskeri bölımderdıŋ bırınde mert bolǧan merzımdı äskeri qyzmetkerdıŋ anasy ündeu jasady, dep habarlaidy «Adyrna» tılşısı.
İrina Borovestıŋ aituynşa, ūly säuır aiynda äskeri mındetın oryndauǧa ketken. Äiel beineündeuınde balasynyŋ äskerde qysym körmegenın atap öttı.
«Andrei jaqsy qyzmet ettı. Eşkım ony renjıtpedı, barlyǧy jaqsy boldy. Ünemı qoŋyrau şalyp, sondaǧy män-jaidy aityp berıp otyrdy. Ata-analarǧa aitarym, balalaryŋyzdy jaman jaittardan qorǧap, basyn jaman jaŋalyqpen auyrtpaŋyzdar. Olar alaŋsyz boryşyn ötesın»,—dedı marqūmnyŋ anasy.
Sondai-aq äiel qazaqstandyqtardy jalǧan aqparat taratpauǧa şaqyrdy.
«Özın-özı öltıruge itermelegen» degen nūsqany taratpaularyŋyzdy sūraimyn. Men ūlymdy sot-medisinalyq saraptamasyn jasamastan būryn kördım. Eşqandai jaraqaty da, soqqy ızderı de bolǧan joq»,—dedı ol.
Eske salaiyq, būǧan deiın Aqtöbe garnizonynyŋ baspasöz qyzmetı äskeri qyzmetker öz-özıne qol jūmsady degen aqparat taratqan edı.
