Saiasattyŋ saiasaty. Resei tarihşylarymen bırlesken top jaily sūraqqa jauap

Ǧylym jäne joǧary bılım ministrı Saiasat Nūrbek Qazaqstan men Resei ǧalymdary tarihty bırlesıp jazady degen aqparatqa bailanysty pıkır bıldırdı, dep habarlaidy "Adyrna" ūlttyq portaly Ulysmedia.kz-ke sılteme jasap. "Bırınşıden, arnaiy komissiia qūryldy degen jalǧan aqparat. Ondai komissiia da joq. Ūlttyq tarihty şeteldık memleketpen ortaqtasyp jazu degen aqparat jalǧan. İä, Resei jäne Qazaqstan tarihşylar toby bar. Bıraq ol taza ǧylymi top. Maqsaty – bılımmen ainalysu, arheologiialyq qazbamen, ekspedisiialyq jūmystarmen ainalysu. Qazır Altai töŋıregınde bırlesken ülken joba bastalǧan. “Ūly Altai” degen köne türkı taipalarǧa, qaǧandyqtarǧa qatysty bırlesken zertteuler bar. Resei tarapynan da körşıles Batys Sıbırde, Altaida jaŋa ekspedisiialardan arheologiialyq jaqsy jaŋalyqtar şyǧyp jatyr. Sondyqtan, solardyŋ almasu taqyryby bar. Būl taza ǧylymi bailanys. Ǧylymmen, jaŋa ızdenıspen ainalysu maqsatynda qūrylǧan" - dedı, Saiasat Nūrbek. Ǧylym jäne joǧary bılım ministrı kelesı jyly Resei, İran, Qytai, Ūlybritaniia, AQŞ, Germaniia, Türkiia  ǧalymdarymen bırlesıp jūmys ıstegen  jetı tomdyq ülken hrestomatiialyq oqulyqtyŋ şyǧatyny turaly aitty. Sondai-aq, būl oqulyqtyŋ  ǧylymi maqalalarda, monografiialarda qoldanylatynyn da alǧa tartty. "Jetı tomdyq joba būryn zerttelmegen jaŋa faktılermen toltyrylady. Soŋǧy 20 jylda ötkızılgen jaŋa arheologiialyq ekspedisiialar nätijelerımen tolyqtyrylady. Bızge būryn qoljetımdı bolmaǧan jaŋa arhivterdı aşyp otyrmyn. Öte ülken süiınşı: ekı kün būryn Vatikanǧa tarihşy “Şyǧystanu” institutynyŋ direktory Düken Mäsımhanūlynyŋ jetekşılıgımen bızdıŋ ülken bırınşı tobymyz attandy. Vatikan aldyŋǧy jyly qol qoiylǧan kelısımşart negızınde Vatikanda būryn jabylǧan arhiv, mūrajailarǧa tolyqqandy qoljetımdıktı bızge berdı. Bızdıŋ bır top ǧalymdarymyz şyqty. Öte jaqsy nätijelerdı kütudemız. Vatikannyŋ elşılerı, missionerlerınıŋ jazǧan, jinaǧan derekközderı, esepterı bızge tolyqqandy berıledı"- dedı Saiasat Nūrbek.