Qazaqstan Prezidentı Qasym-Jomart Toqaev Ūjymdyq qauıpsızdık şarty ūiymynyŋ (ŪQŞŪ) şaǧyn qūramdaǧy sessiiasyna qatysyp, ūiymnyŋ qauıpsızdık pen tūraqtylyqty qamtamasyz etudegı rölın atap öttı, dep habarlaidy "Adyrna" ūlttyq portaly Aqordaǧa sılteme jasap.
Sessiia otyrysyna Belarus prezidentı Aleksandr Lukaşenko, Qyrǧyzstan prezidentı Sadyr Japarov, Resei prezidentı Vladimir Putin, Täjıkstan prezidentı Emomali Rahmon jäne ŪQŞŪ Bas hatşysy İmanǧali Tasmaǧambetov qatysty.
Prezident Qasym-Jomart Toqaev ŪQŞŪ-ny Euraziia keŋıstıgındegı beibıtşılık pen tūraqtylyqty saqtaudyŋ negızgı qūrylymdarynyŋ bırı dep atap öttı.
"ŪQŞŪ müşe elder üşın qauıpsızdık kepılı ekenın däleldep otyr. Ūiym memleketterdıŋ egemendıgı men aumaqtyq tūtastyǧyn qorǧau maqsatynda küş-jıgerımızdı bırıktıretın bıregei mehanizm", – dedı Toqaev.
Qazaqstannyŋ ŪQŞŪ-ǧa töraǧalyǧy kezınde ūiymnyŋ mümkındıkterın jetıldıruge, terrorizm, kiberşabuyl, transūlttyq qylmys jäne esırtkı ainalymyna qarsy ıs-qimyldar tiımdılıgın arttyruǧa erekşe nazar audarylǧany aityldy. Sonymen qatar, Ūiymnyŋ äskeri oqu-jattyǧulary, ministrlıkter men keŋester deŋgeiınde konsultasiialar josparly türde jürgızıldı.
Sessiiada halyqaralyq jäne öŋırlık qauıpsızdık mäselelerı talqylanyp, ŪQŞŪ-nyŋ aldaǧy josparlary naqtylandy. Qazaqstannyŋ töraǧalyǧy kezınde qabyldanǧan basymdyqtardyŋ barlyǧy jüzege asyrylyp, qoiylǧan mındetter oryndalǧany atap ötıldı.
Prezident ūiym müşelerıne qoldau men bırlesken jūmys üşın alǧysyn bıldırıp, Ūly Jeŋıstıŋ 80 jyldyǧyna daiyndyqqa erekşe köŋıl bölıngenın jetkızdı.
Jiyn qorytyndysynda 2024 jylǧy töraǧalyq josparlary aiqyndalyp, Ūjymdyq qauıpsızdık keŋesınıŋ mälımdemesı ūsynyldy.
Ūqsas jaŋalyqtar
