Reseilık «Serebro» tobynyŋ būrynǧy müşesı Olga Seriabkinanyŋ Almatydaǧy konsertıne baikot jariialanuda. Oǧan änşınıŋ eldı jamandady delıngen videosy sebep boldy, dep habarlaidy “Adyrna” ūlttyq portaly.
Äleumettık jelılerde aitylǧan sözder konteksten bölınıp alynsa da, köptegen qoldanuşylar ony qorlau retınde qabyldap, Almatydaǧy konsertıne boikot jariialaudy talap ettı.
«Ne bolyp jatyr? Qazaqstan? Bızge bärıbır...», — dep aitady ol videoda.
Keibır jelı qoldanuşylary änşınıŋ būl sözderdı chat sūraǧyna jauap retınde aitqanyn jäne onyŋ maǧynasy qate tüsındırılgenın atap ötude. Degenmen, būl renış tolqynyn toqtatpady.
«Konteksten bölındı me, joq pa — bız ne aitqanyn estıp tūrmyz. Būl bızge jetkılıktı. Al keşırım sūrasa, ony öz ornyna qoisyn, bızge olar qajet emes. Qazaqstanǧa kırgızbeŋder! Sol jerde jylai bersın», — dep jazdy bır qoldanuşy.
Pıkırler ärtürlı bolsa da, köpşılık konsertke boikot jariialau ideiasyna qoldau bıldırıp otyr. Keibıreuler onyŋ Qazaqstanda öner körsetuıne tyiym saludy talap etude. Keibır pıkır bıldıruşıler keşırım sūrauǧa da könbeidı.
