Kezdesuge Basqarma Töraǧasy – Rektory Gülmira Qanai, universitettıŋ professorlyq-oqytuşylyq qūramy, studentter, magistranttar jäne doktoranttar qatysty.
Şaranyŋ basty maqsaty – joǧary bılım beru salasyndaǧy özektı mäselelerdı talqylau, pedagogika jäne bılım beru salasyndaǧy reformalardy jetıldıru joldaryn qarastyru, sondai-aq zaŋnamalyq deŋgeide bılım sapasyn arttyruǧa baǧyttalǧan ūsynystardy tyŋdau.
«Qazaq ūlttyq qyzdar pedagogikalyq universitetın 80 jyldyq mereitoiymen şyn jürekten qūttyqtaimyn. Būl künge ülken därejede, abyroimen jetkenıne kuä bolyp otyrmyn. Bılım aluǧa barlyq mümkındık jasalǧan. Universitettıŋ bılım beru mazmūny da, materialdyq-tehnikalyq bazasy da jaŋarǧan. Pedagogikalyq mamandyqty taŋdaǧan üzdık, myqty, közı janyp tūrǧan jastar osy universitetke tüsıp jatyr. Būl – elımızdıŋ ärı qarai damuyn bıldıredı, senım ūialatady», – dedı QR Parlamentı Mäjılısınıŋ deputaty Ashat Aimaǧambetov.
Jiynda pedagogikalyq etika, akamediialyq adaldyq, sonymen qatar joǧary bılım beru salasyndaǧy özektı mäseleler jan-jaqty talqylandy.
Erkın formatta ötken kezdesude jastar özderın tolǧandyrǧan mäselelerdı qozǧady. Qatysuşylar Mäjılıs deputatyna kökeikestı sūraqtaryn qoiyp, naqty jauaptar aldy.
«Bügıngı kezdesude QR Parlamentı Mäjılısınıŋ deputaty Ashat Aimaǧambetovke özımdı tolǧandyrǧan sūraqty qoidym. Menı alaŋdatqan sūraq aimaqtardaǧy bılım beru sapasyn jaqsartu mäselesı boldy. Ashat Qanatūly auyl balalarynyŋ bılım sapasyn qoldau maqsatynda bırqatar joba bar ekenın aitty. Sūraǧyma naqty jauap alǧanyma quanyştymyn», – dedı Filologiia institutynyŋ «Şetel tılı: ekı şetel tılı» bılım beru baǧdarlamasynyŋ 4 kurs studentı Ajenova Ūldamet Bahytqyzy.
Kezdesu aiasynda Mäjılıs deputaty Ashat Aimaǧambetov Seraly Qaniev atyndaǧy Qazaq ūlttyq qyzdar pedagogikalyq universitettıŋ ǧylymi kıtaphanasy men basqa da jaŋa maŋyzdy nysandardy aralap, bılım ordasynyŋ tynys-tırşılıgımen tanysty. Sonymen qatar universitettıŋ aldaǧy uaqytta da sapaly bılım beru ısındegı rölınıŋ arta tüsetınıne senım bıldırdı.
