Polşada qazaqstandyq mūnai ötetın «Dostyq» qūbyrynan aqau şyqty. Energetika ministrlıgı būl jaǧdaiǧa qatysty tüsınıkteme berdı, dep habarlaidy «Adyrna» tılşısı.
Resmi mälımetke süiensek, 1 jeltoqsanda Pnevy qalasy maŋynda «Drujba» jüiesı qūbyrynyŋ batys bölıgınde Şvedt mūnai öŋdeu zauytyna jetkızıletın mūnaidyŋ tögıluı anyqtalǧan.
«Zaqymdalǧan jelı boiynşa mūnai tasymaldau toqtatyldy. Mūnai jetkızu ekınşı jelı arqyly jalǧasty. Ekınşı jelınıŋ tehnikalyq mümkındıkterı mūnai aidaudy tolyq kölemde qamtamasyz etedı. 2024 jyldyŋ qaraşa aiynyŋ qorytyndysy boiynşa osy baǧytta qazaqstandyq mūnaidy jetkızu kestege säikes tolyq oryndaldy»,—dep tüsındırdı ministrlıktıŋ baspasöz qyzmetı.
Qazırgı taŋda jeltoqsan aiyna josparlanǧan mūnai jetkızu 20-30 jeltoqsan aralyǧynda jüzege asady dep josparlanyp otyr.
Eske salaiyq, būǧan deiın«Drujba» qūbyrynda aqau şyqqany turaly jazǧan edık.
Qazaqstandyq mūnai eksporty dästürlı türde Resei aumaǧy arqyly Kaspii qūbyr konsorsiumynyŋ Novorossiiskıge deiıngı qūbyr jüiesı arqyly jüzege asyryldy. Resei men Polşa arqyly Germaniiaǧa mūnai jetkızu 2023 jyldyŋ aqpan aiynyŋ soŋynda bastaldy.
