2025 jyly Almatyda şaǧyn jäne orta biznestı subsidiialau kölemı ūlǧaiady

2025 jyly Almatyda ŞOB subsidiialau qūralyn ıske asyruǧa jergılıktı biudjetten 32,6 mlrd.teŋge, respublikalyq biudjetten 20 mlrd. teŋgeden astam qarajat bölınedı. Qarajat öŋdeuşı önerkäsıptı, IT jäne turizmdı qosa alǧanda, ekonomikanyŋ basym salalarynda ŞOB subektılerınıŋ 2 myŋnan astam jobasyn qoldauǧa mümkındık beredı. 2025-27 jyldarǧa arnalǧan biudjettıŋ tiıstı jobasyn Almaty Mäslihatynyŋ aldaǧy sessiiasynda qarau josparlanuda. Būl turaly qalalyq Mäslihattyŋ baspasöz qyzmetı habarlady. Esterıŋızge sala keteiık, 2024 jyly Almatyda käsıpkerlıktı subsidiialau qūralyn ıske asyruǧa 47,9 mlrd.teŋge bölındı, onyŋ 18,1 mlrd. teŋgesı jergılıktı biudjetten, 29,8 mlrd. teŋgesı respublikalyq biudjetten tüstı. Būl qarajat subsidiialau merzımı älı jalǧasyp jatqan 2 298 qoldanystaǧy jobany qoldauǧa, sondai-aq 82,8 mlrd.teŋge kredit somasyna 875 jaŋa jobany maqūldauǧa mümkındık berdı. Subsidiialanǧan jobalardyŋ eŋ köp sany Kölık jäne qoima salalaryna (27,7%) jäne önerkäsıpke (25,5%) tiesılı. Būl rette, barlyq jobalardyŋ 72% - y negızgı jabdyqtardy satyp aludy jäne biznestı jaŋǧyrtudy qosa alǧanda, investisiialyq maqsattarǧa qarjylandyrylady. Subsidiialaudyŋ arqasynda käsıpkerler üşın syiaqynyŋ tüpkılıktı mölşerlemesı 8% - ǧa deiın tömendetıldı. Kreditter boiynşa paiyzdyq mölşerlemenı subsidiialau körsetıletın memlekettık qoldau şaralary arasynda eŋ sūranysqa ie qūral bolyp qala beredı jäne käsıporyndardy öz biznesın keŋeitu ne jaŋartu üşın "qoljetımdı" qarjylyq qarajatpen qamtamasyz etedı, osylaişa tauarlardyŋ bäsekege qabılettılıgı men sapasyn arttyrady. Käsıpkerlıktı qoldaudyŋ bıryŋǧai keşendı baǧdarlamasy biznestı yntalandyru, otandyq öndıruşılerdıŋ bäsekege qabılettılıgın arttyru jäne Qazaqstan käsıpkerlerı üşın jaŋa mümkındıkter jasau jönındegı memlekettık strategiia şeŋberınde ıske asyrylady. Jalpy, aǧymdaǧy jyldyŋ basynan bastap Almatyda käsıpkerlık belsendılıktıŋ tūraqty ösuı baiqalady. 2024 jylǧy 1 qaraşadaǧy jaǧdai boiynşa jūmys ıstep tūrǧan ŞOK subektılerınıŋ sany 364,6 myŋdy qūrady (jyl basynan berı ösım 7,2% - ǧa). Būl rette, bılım beru (jyl basynan berı+13,6%), aqparat jäne bailanys (+5,8%) jäne öŋdeu önerkäsıbı (+5,6%) siiaqty sektorlardaǧy käsıporyndar sanynyŋ artuy baiqalady. Aǧymdaǧy jyldyŋ bırınşı jartyjyldyǧynda ŞOB önımın şyǧaru 10,9 trln. teŋgenı qūrap,   22,4%-ǧa ösken.