Jetısu oblysynda Būrhanbūlaq sarqyramasyna deiıngı jol qūrylysy kelesı jyly bastalady

1154
Adyrna.kz Telegram
https://adyrna.kz/content/uploads/2024/12/sarqyramaaaa.jpg
Jetısu oblysynyŋ eŋ negızgı tabiǧi ärı turistık körnektı jerlerınıŋ bırı – Būrhanbūlaq sarqyramasyna aparatyn joldyŋ qūrylysy kelesı jyly bastalady. Būl turaly oblys äkımı Beibıt İsabaev Eskeldı audanynyŋ tūrǧyndarymen kezdesude mälımdedı, - dep habarlaidy Jetısu oblysy äkımınıŋ baspasöz qyzmetı. - Eskeldı audany – turistık äleuetı joǧary öŋırlerdıŋ bırı. Osy jyldyŋ 10 aiynda turisterdı qabyldaityn nysandarda 41 myŋ adamǧa qyzmet körsetılıp, sonyŋ ışınde aqyly qyzmet körsetu kölemı 25 mln. teŋgege jettı. Osy rette Būrqanbūlaq sarqyramasyna aparatyn 31 km avtojoldy jöndeu jūmystary kelesı jyly bastalatynyn atap ötu kerek. Būl maqsatqa 2025 jyly respublikalyq biudjetten 3 mlrd. teŋge qarajat bölınedı. Sondyqtan turizmdı damytu üşın infraqūrylymdy jaqsartyp, jaŋa qonaq üiler, demalys bazalaryn salyp, joldardy jöndeu qajet. İnternet-resurstar men äleumettık jelıler arqyly körıktı jerlerdı keŋınen nasihattap, ekoturizm men agroturizm baǧyttaryn damytu kerek, - dep atap öttı öŋır basşysy B. İsabaev. Eske salsaq, Jetısudyŋ turizm salasy 5 destinasiianyŋ äleuetın tırek etedı. Olar - Alaköl men Balqaş kölderı, «Altynemel» jäne «Joŋǧar Alatauy» ūlttyq parkterı, Joŋǧar Alatauynyŋ tauly alaby.
Pıkırler