Käsıpker Qairat Boranbaevqa tiesılı bolǧan "Almaly" sauda ortalyǧy qaita qūrylyp, balalarǧa arnalǧan ǧylym muzeiı bolady. Būl turaly Almaty äkımı Erbolat Dosaev mäslihattyŋ kezekten tys sessiiasynda mälımdedı, dep habarlaidy “Adyrna” ūlttyq portaly.
«2025 jyldan bastap Almatyda būrynǧy "Almaly" sauda ortalyǧynyŋ bazasynda TMD-daǧy balalarǧa arnalǧan alǧaşqy ǧylym muzeiın Science Museum Singapore ūiymymen bırlesıp qūru jūmystary bastalady», – dedı ol.
Jobany jüzege asyru üşın qalalyq biudjetten 12,2 milliard teŋge bölınedı dep josparlanuda.
Aita keteiık, "Almaly" SOO būǧan deiın käsıpker Qairat Boranbaevqa tiesılı bolǧan. 2023 jyly ol būl nysandy basqa aktivterımen bırge memleketke öz erkımen tapsyrdy. Ǧimarat ūzaq uaqyt boiy jabyq tūryp, 2022 jylǧy qaŋtar oqiǧasy kezınde qatty zardap şekken.
Eske salsaq, 2023 jyldyŋ 15 qyrküiegınde Astana qalalyq sotynyŋ apelliasiialyq alqasy Qairat Boranbaevqa «QazTransGaz» AQ qarjysyn talan-tarajǧa salu jäne zaŋdastyru ısı boiynşa ükım şyǧaryp, onyŋ mülkı tärkılenıp alty jylǧa bas bostandyǧynan aiyrylǧan bolatyn.
Ūqsas jaŋalyqtar
