Änşı Maqpal Jünısova jurnalist Dina Tölepbergenge bergen sūhbatynda Zamanbek Nūrqadılovtıŋ qyzy ony pyşaqtap ketkenı turaly aqparat aitty, dep habarlaidy "Adyrna" ūlttyq portaly "DinDinaShow" baǧdaramasyna sıltep.
Änşı Qūralai Nūrqadılovanyŋ konserttıŋ däl aldynda pyşaqtap ketkenın aitqan.
«Äkesın men öltırdı dep balalary maǧan jala japty. Merei 11 synyp bıtırgen kezde de kelmegen adamdar. Odan keiın baryp anau jaqtaǧy qyz «Maqpalmen ölsem de aralaspaimyn, Mereimen aralasuǧa bolady» dep sūhbat berıp otyr. Mereidıŋ telefonyn Altynbek Qorazbaev aǧadan sūrap alǧan. Mereige qoŋyrau şalyp, mazasyn ala bastady. Ony maǧan Merei aitty. Sodan keiın şyndyqty aituyma tura keldı. Onyŋ qyzy maǧan qiianat jasady. Maǧan pyşaq saldy. Maǧan pyşaq salǧan adam menı keremet qyla ma? Qūralai maǧan pyşaq salǧan. Konserttıŋ aldynda Respublika saraiynyŋ janynda pyşaqtap ketken. Ol «Vechernii Almaty» degen gazetke şyqqan. Nūrqadılovtıŋ qyzy dep tūryp şyqty», – deidı ol.Änşı konsertten keiın de kelgen poliseilerge būl ıstı Zamanbek Nūrqadılovtıŋ qyzy ıstemegen dep habarlaǧanyn da jasyrmady. Būǧan sebep - Zamanbek Nūrqadılovtyŋ haty bolǧan eken.
«Sol kezde Zäkeŋdı azamat retınde qabyldadym. Qūdai-ai, tırı qaldyq qoi, äiteuır. Qūrsyn, onyŋ qyzy emes dep jazyp bereiın dedım. Sıŋlım sonda maǧan aiǧailady: «Erteŋ senı öltırıp ketse, kım jauap beredı?» dep maǧan ūrysty. Men «anau bastyqqa obal ǧoi, qalanyŋ dardai bastyǧy, halyqqa qandai jaqsylyq jasap jatyr, onyŋ qyzy emes dep jazyp bereiın» dedım de, polisiiaǧa «jasöspırımder solai ıstedı» dep jazyp berdım. Söitıp, äkesınıŋ abyroiyn oilap, men ony keşırgenmın. Bıraq odan keiın tüsındı me?» – deidı Maqpal Jünısova.
Ūqsas jaŋalyqtar
