21 mamyr, bügıngı mädeniet jäne öner qyzmetkerlerı künıne orai Aqordada arnaiy saltanatty jiyn öttı, dep habarlaidy "Adyrna" ūlttyq portaly.
Is-şara barysynda Prezident Qasym-Jomart Toqaev elımızdıŋ bırqatar öner maitalmandaryn memlekettık nagradalarmen marapattady.
Memleket basşysynyŋ jarlyǧymen Qazaqstannyŋ halyq ärtısı Maqpal Jünısova II därejelı «Barys» ordenımen marapattaldy. Al änşı ärı dombyraşy Tatiana Burmistrova «Otan» ordenıne ie boldy. Sondai-aq Mihail Lermontov atyndaǧy ūlttyq orys drama teatrynyŋ aktrisasy Marina Ganseva III därejelı «Barys» ordenımen marapattalatyny belgılı boldy.
Prezident öz sözınde käsıbi mereke aiasynda mädeniet salasynyŋ damuyna eleulı üles qosqan bırqatar öner qairatkerlerıne «Qazaqstannyŋ halyq ärtısı» ataǧy berılgenın atap öttı. Biyl jalpy 120 mädeniet jäne öner qyzmetkerı memlekettık marapatqa ie bolmaq.
Sonymen qatar jiynda mädeni mūraǧa qatysty maŋyzdy jaŋalyqtar aityldy. Memlekettık keŋesşı Erlan Qarinnıŋ mälımetınşe, Maŋǧystau jerasty meşıtı men Abaidyŋ qara sözderı IýNESKO-nyŋ tızımıne engızıluı mümkın. Būl mäsele şılde aiynda Oŋtüstık Koreiada ötetın arnaiy jiynda qaralady.
