Toqaev: AES salamyz ba, salmaimyz ba - mūny halyq şeşedı

Qasym-Jomart Toqaev “Egemen Qazaqstanǧa” bergen sūhbatynda byltyr jiı talqyǧa tüsken taqyryp AES boiynşa öz joramalyn aitty, dep habarlaidy “Adyrna” ūlttyq portaly. “Qazaqstan üşın taza atom ener­giiasy­nyŋ mänı zor. Būl – el ekono­mi­kasynyŋ bolaşaǧyna tıkelei äser etetın airyqşa maŋyzdy mäsele. Bız tabiǧi uran öndıru kölemı jaǧynan älemde bırınşı oryn alamyz. Iаdrolyq otyn komponentterın de özımız öndıre­mız. Sol sebeptı men elımızdıŋ auma­ǧynda AES salu jaiyna airyqşa män be­remın. Tüptep kelgende, energeti­ka qauıpsızdıgı mäselesın geosaiasi müd­de emes, naqty qajettılık pen mümkın­dık­ter tūrǧysynan qarastyryp, ǧylymi zertteuler negızınde şeşken jön” dedı ol. Türlışe pıkır tudyrǧan AES mäselesınıŋ mūqiiat nazar audarudy qajet etetın dünie ekenın atai kettı prezident: “El ışınde AES qūrylysyna üzıldı-kesıldı qarsylyq bıldırıp jatqandar da bar. Būl – tüsınıktı jait. Köpşılık Semei iadrolyq poligonynyŋ qasıre­tın ūmyta qoiǧan joq. Mūqiiat nazar audarudy qajet etetın basqa da kür­delı jaittar bar. Mysaly, jobanyŋ qūny men ekologiiaǧa äserın qaperden şyǧaruǧa bolmaidy” dedı ol. Sonymen qatar, Toqaev “salu, salmau” mäselesın halyq özı şeşetının basa aitty. “Sondyqtan būl bastamanyŋ män-maŋyzyn eskere otyryp, AES qūry­lysyna qatysty mäselenı jalpy­halyq­tyq referendumǧa şyǧarudy ūsyn­dym. Halqymyz üşın asa maŋyz­dy osyndai şeşımderdıŋ referendum arqyly ǧana qabyldanatyny 2019 jyl­ǧy sailau aldyndaǧy baǧ­dar­la­mamda naqty körsetıldı. «Halyq ünıne qūlaq asatyn memleket» tūjyrymdamasy men Ädılettı Qazaqstan qaǧidattarynyŋ ıs jüzınde oryndaluy degenımız – osy. Bolaşaqta älı talai qoǧamdyq talqylau ötkızıledı. Azamattar referendumda dauys bergen kezde AES saludy jaqtaǧan nemese qarsy bolǧan sarapşylardyŋ däiektı pıkırlerın barynşa tarazylap, oi elegınen ötkızıp baryp şeşım qabyldauǧa tiıs. AES salamyz ba, salmaimyz ba – mūny halyq şeşedı” dedı Toqaev.