Aqsaq demografiia. Qazaqstan halqynyŋ sany 20 mln 243 myŋ 981 adamǧa jettı

2024 jylǧy 1 qaraşadaǧy jaǧdai boiynşa Qazaqstan halqynyŋ sany 210 139 adamǧa ösıp, 20 243 981 adamdy qūrady, dep habarlaidy "Adyrna" ūlttyq portaly. Būl turaly Ūlttyq statistika biurosy mälımdedı. Ūlttyq statistika biurosynyŋ aqparatyna süiensek, respublika halqynyŋ 12 727 404-ı qala tūrǧyndary, al 7 516 577-ı auyldyq jerlerde tūrady. Biuronyŋ aituynşa, Qazaqstanda 10 353 239 äiel jäne 9 890 742 er adam ömır süredı. 10 aida elde 309 310 bala düniege kelıp, 110 867 adam qaitys bolǧan. Tabiǧi ösım 198 443 adamdy qūrady. Köşı-qon balansy da oŋ körsetkış körsetken. 10 aida Qazaqstanǧa 22 955 adam kelse, 11 259 adam ketken. Köşı-qon saldosy — 11 696 adam. «2023 jyldyŋ osy kezeŋımen salystyrǧanda, Qazaqstanǧa kelgenderdıŋ sany 1618 adamǧa köbeiıp, ketkenderdıŋ sany 2548 adamǧa azaidy», - delıngen Ūlttyq statistika biurosynyŋ mälımdemesınde. Eldegı eŋ halqy köp qala - Almaty qalasy. Mūnda  2 280 296 adam tūrady. Būǧan deiın, Qazaqstan halqynyŋ bır jyl ışındegı ösımı 223 myŋ 218 adamǧa artqany turaly jazǧan edık.