Elımızde qarjy piramidalary 20 mlrd teŋge şyǧyn keltırdı. Būl turaly Qarjy monitoring agenttıgı mälımdedı, dep habarlaidy «Adyrna» tılşısı.
Bügıngı taŋda 13 mlrd teŋgeden astam qarajat ötelgen.
«Jyl basynan berı QMA 20 mlrd teŋgeden asa şyǧynmen qarjy piramidalaryn qūru jäne basqaru faktılerı boiynşa 68 qylmystyq ıstı tergedı. Jalpy biyl jyl basynan berı ǧalamtor jelısınde 47 qarjy piramidasy anyqtaldy. Olarǧa qatysty äleumettık jelılerde 300-ge juyq chat jabylǧan. Şamamen 2 millionǧa juyq qatysuşy – äleuettı salymşylar bolǧan»,—delıngen habarlamada.
QMA jyl basynan berı qarjy piramidasynyŋ belgısı bar 10,5 myŋnan asa sait sıltemesın būǧattaǧan. Qarjylyq monitoring agenttıgı azamattardy qyraǧy boluǧa jäne öz aqşalaryn kümändı qarjy ūiymdaryna salmaudy eskerttı.
