Ekı myŋ jyldyq Taraz şahary turzim damytuda taptyrmas mümkındık. Sondyqtan da Jambyl oblysy äkımı Asqar Myrzahmetov Taraz qalasy şeberler ortalyǧyna ainaluy kerek dep otyr.
Oblys äkımdıgınde ötken «Şahristan» etno-mädeni ortalyǧynyŋ qūrylysynyŋ barysy qaralǧan jiynda aityldy. Būl etno-mädeni ortalyqta oryn alatyn bırneşe nysandar basqarmalar men qala äkımdıgıne bölınıp berılgen. Qazırgı taŋda qūrylys jūmystary qarqyndy jürıp, qūrylysşylar ekı auysymda eŋbek etıp jatyr.
Oblys äkımınıŋ orynbasary Erkebūlan Dauylbaevtyŋ aituynşa, ortalyqtyŋ nysandaryn özderınıŋ qoldanysyna qarai bezendıru kerek. Öz kezegınde oblys äkımı Asqar Myrzahmetov bezendıru şaralary boiynşa öz oiyn ortaǧa saldy.
«Jalpy, būl jūmystar ruhani jaŋyru qūndylyqtaryn eskerudı kerek etedı. Boi kötergen ǧimarattyŋ özı, är qabatta oryn alatyn taqyryptyq bölmeler bezendırıluımen ündesuı de qajet. Sondai-aq, osy dizainerlık belsendılıkte jaŋa tehnologiialardy igergen kompaniialarmen bırlese jūmys jasau şart. Ärine, bır ǧana Tarazda ondai äleuetı joǧary kompaniialar joq bolsa, özge qalalardan da şaqyru kerek. Ortalyqta oryn alatyn är taqyryptyq nysandarda mysaly, Şerhan Mūrtaza ortalyǧynda ol kısınıŋ sözderı jazylyp, tärbielık, önegelık oi tolǧamdary da oryn aluy kerek. Sonymen qatar, keşegı Kültegın, Balasaǧūn, Qaǧandardyŋ önegelı sözderı de aişyqtalatyn bolady. Bız osy ortalyq arqyly Tarazdyŋ äleuetın älemge tanytudy maqsat etuımız kerek. Sondyqtan, bezendıru jūmystarynyŋ jan-jaqtylyǧy, ündestıgı, zamanauilyǧy qataŋ eskerıletın bolady», – dedı oblys äkımı.
Turizm basqarmasynyŋ basşysy Qarlyǧaş Aralbekovanyŋ aituynşa keleşekte mūnda turizm nysandarynyŋ onlain kartasy ıske qosylmaq. Sondai-aq, ol körmege bügıngı künnıŋ özınde tarazdyq 23 şeberdıŋ 1118 būiymy qoiylatynyn eskerttı. Olar satylymǧa da şyǧady. Ol üşın jergılıktı käsıpkerler üş azamatty tūraqty jūmyspen qamtudy da közdep otyr.
«Bız Tarazǧa özge de qalalardyŋ ūsta, şeberlerın şaqyryp, olardyŋ būiymdaryn körmege qoiuymyz kerek. Körşı jatqan oblys ortalyqtarynda mūndai ortalyq äzırge joq. Sondyqtan, olardyŋ iaǧni ūsta-şeberlerdıŋ äleuetın paidalana otyryp, turizmnıŋ bır tetıgın damytuǧa yqpal etuımız kerek. Jalpy, etno-mädeni ortalyqtyŋ jūmysyn jüielı jürgızu üşın bıryŋǧai jüienı engızu kerek. Parij – sän ortalyǧyna ainalǧan qala desek, bız Tarazdy – ūsta-şeberlerdıŋ şeberhanasyna, ortalyǧyna ainaldyruymyzǧa mol mümkındıgımız bar. Sol oraida jūmys jürgızuımız qajet. Aldaǧy uaqytta «Körme» zalynda Jambyl oblysynyŋ 80 jyldyǧyn atap ötetın bolamyz» – dedı oblys äkımı.
«ADYRNA»
ūlttyq portaly
