Jeke fotosurettı "rūqsatsyz jariialaǧany" üşın bloger jauapqa tartyldy

Sätbaev qalalyq sotynda talap qoiuşy "S"-nyŋ özınıŋ fotosuretınıŋ äleumettık jelıde jariialanuyn onyŋ jeke mülıktık emes qūqyqtaryn būzu, fotosurettı äleumettık jelıden joiu, äleumettık jelıde jariia türde keşırım sūrau jäne moraldyq ziiandy öteu turaly azamattyq ısı qaraldy. Sot otyrysynda jauapker "S" 2023 jylǧy 28 şıldede özınıŋ "Facebook" äleumettık jelısındegı paraqşasynda talap qoiuşynyŋ jeke ömırıne qatysty mälımetter jazylǧan qazaq tılındegı jazbamen bırge talap qoiuşynyŋ fotosuretın jariialaǧany anyqtaldy. Atalǧan fotosuret talap qoiuşynyŋ jeke beinesı bolyp tabylady jäne jalpyǧa ortaq qoljetımdı bolmaǧan. Jauapker talap qoiuşynyŋ jazyluşysy bolmaǧan jäne fotosurettı rūqsatsyz jariialauǧa qūqyǧy bolmaǧan. Osyǧan bailanysty talap qoiuşy fotosurettı äleumettık jelıde jariialaudy jeke qūqyqtardy būzu dep tanyp, ony äleumettık jelıden joiudy, äleumettık jelıde keşırım sūraudy jäne moraldyq ziian üşın 500 000 teŋge ötemaqy töleudı talap ettı. Sot otyrysynda jauapker talap qoiuşynyŋ uäjderın moiyndamady, onyŋ jeke mülıktık emes qūqyqtary būzylmaǧanyn, jariialanymnyŋ zaŋdy sipatqa ie ekenın jäne fotosurettı jariialauǧa rūqsattyŋ qajet bolmaǧanyn aitty. Sätbaev qalalyq sotynyŋ şeşımımen talap ışınara qanaǧattandyryldy. Jauapker "S"-nıŋ "Facebook" äleumettık jelısınde talap qoiuşynyŋ beinesın (fotosuretın) onyŋ kelısımınsız jariialauy jeke mülıktık emes qūqyqtardy būzu dep tanyldy. Jauapkerge 2023 jylǧy 28 şıldede "Facebook" äleumettık jelısındegı "NB" akkauntynda jariialanǧan fotosurettı joiu, "Facebook" jelısınde köpşılık aldynda keşırım sūrau mındetteldı. Sondai-aq, jauapkerden talap qoiuşynyŋ paidasyna moraldyq ziian retınde 100 000 teŋge öndırıp alu turaly şeşım qabyldandy. Ūlytau oblystyq sotynyŋ azamattyq ıster jönındegı sot alqasynyŋ 2024 jylǧy 27 qaraşadaǧy qaulysymen Sätbaev qalalyq sotynyŋ şeşımı özgerıssız qaldyrylyp, jauapkerdıŋ apelliasiialyq şaǧymy qanaǧattandyrylusyz qaldyryldy. Şeşım zaŋdy küşıne endı.