Memleket basşysy Qasym-Jomart Toqaev şeih Hamad ben İsa Äl Halifa men onyŋ otandastaryn Bahrein Koroldıgınıŋ ūlttyq merekesı –Täuelsızdık künımen qūttyqtady. Būl turaly bügın, 16 jeltoqsanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezident jedelhatynda Qazaqstannyŋ Bahreindı arab älemındegı jäne Taiau Şyǧystaǧy senımdı ärı maŋyzdy serıktesterınıŋ bırı retınde qarastyratynyn atap ötken. Sondai-aq dästürlı dostyq pen özara qoldauǧa negızdelgen yntymaqtastyq qos halyqtyŋ igılıgı jolynda qarqyndy dami beretınıne senımdı ekenın jetkızgen.
Qasym-Jomart Toqaev şeih Hamad ben İsa Äl Halifaǧa ūzaq ǧūmyr, Bahrein halqyna baq-bereke tıledı.
