Qazaqstan täuelsızdıgın nyǧaituǧa jäne basqa da erekşe jetıstıkterı üşın körnektı tūlǧalarǧa arnalǧan eskertkışterdı endı tırı kezınde qoiuǧa bolady, dep habarlaidy “Adyrna” ūlttyq portaly QazTAG agenttıgıne sıltep.
2020 jylǧy 28 säuırde Qazaqstan Respublikasy Mädeniet jäne sport ministrınıŋ № 103 būiryǧyna «Monumentaldy öner qūrylymdaryn ornatu erejelerın bekıtu turaly» özgerıster engızıldı. Endı körnektı tūlǧaǧa eskertkış ornatu üşın onyŋ qaitys bolǧanyna kemınde bes jyl ötu kerek. Tek qana batyrlyq pen erlıktı körsetu, memlekettıŋ täuelsızdıgın nyǧaituǧa aitarlyqtai üles qosu jäne maŋyzdy tarihi oqiǧalardy jüzege asyru jaǧdailarynda būl merzımge şekteu qoiylmaidy.
Oblys äkımdıkterı eskertkışterdı memlekettık jäne biudjettık emes qarjy közderı esebınen ornatatyn bolady. Eskertkışter körnektı tūlǧalardyŋ mereitoilaryna, maŋyzdy tarihi oqiǧalarǧa orai ornatylyp, Ükımettıŋ qaulysymen belgılengen. Būl tūlǧanyŋ esımı respublikalyq onomastikalyq komissiia bekıtken tarihi tūlǧalar tızımınde boluy kerek.
Sonymen qatar, bır eldı mekende bır körnektı tūlǧaǧa nemese tarihi oqiǧaǧa tek bır eskertkış ornatyluy mümkın.
