Qūqyq qorǧau ūiymdary Siriiadaǧy jappai qabırlerde 100 myŋnan astam adamnyŋ denesı boluy mümkın ekenın mälımdedı, dep habarlaidy "Adyrna" ūlttyq portaly ABC News-ke sılteme jasap.
AQŞ-ta ornalasqan siriialyq qūqyq qorǧau ūiymy – Siriialyq tötenşe jaǧdailar boiynşa jedel toptyŋ jetekşısı Muaz Mūstafa Damasktan soltüstıkke qarai 40 şaqyrym jerde ornalasqan «ülken» qabırde 100 myŋnan astam adamnyŋ denesı bar ekenın mälımdedı.
Mūstafanyŋ aituynşa, El-Kutaifa aumaǧyndaǧy qabırler – Damask maŋyndaǧy jerleu oryndary – tereŋdıgı 6-7 metr, enı 3-4 metr, al ūzyndyǧy 50-150 metr bolatyn «alyp orlardan» tūrady. Būl qabırlerde erler, äielder, balalar jäne qarttardyŋ denelerı bolǧan.
Kutaifa jerleu orny äskeri baqylauda bolǧan aumaqta ornalasqan, azamattyq kölıkterdıŋ jüruıne tyiym salynǧan.
Bügınge deiın Damask ainalasynda ärqaisysynyŋ tereŋdıgı 20 metrge deiın jetetın jüzdegen jappai qabır tabyldy. Ondaǧy deneler bırneşe qabat etıp kömılgen.
Başar Asad rejimınıŋ qūlauy köterılısşıler men jergılıktı tūrǧyndardyŋ ataqty türmelerdı bosatuyna äkeldı. Qazırgı taŋda 100 myŋnan astam adam ız-tüzsız joǧalǧandar qatarynda.
Köterılısşıler basqaratyn Siriianyŋ ötpelı ükımetı, ükımettık emes ūiymdar men qūtqaruşylar 2011 jyldan berı Siriiada ız-tüzsız joǧalǧan adamdardyŋ denelerı tabyluy mümkın keŋ auqymdy türme jäne jappai jerleu oryndarynyŋ jelısın aşuda.
«Haiiat Tahrir aş-Şam» köterılısşıler tobynyŋ jetekşısı İdlibten oŋtüstıkke qarai Damaskqa baǧyttalǧan şabuyldan keiın bergen mälımdemesınde, Asad bilıgı kezınde adam qūqyqtaryn būzu ısıne qatysy barlardyŋ barlyǧy jauapqa tartylatynyn aitty.
Düisenbı künı Siriiadan qaşyp şyqqannan keiıngı alǧaşqy mälımdemesınde Başar Asad öz rejimınıŋ qūlauyna «terroristerdıŋ şabuylyn» kınälady.
Asad azamattyq soǧys bastalǧan 2011 jyldan berı adam qūqyqtarynyŋ būzyluyna qatysty oppozisiia men Batys elderınıŋ aiyptaularyna tüsınıkteme bergen joq.
Ūqsas jaŋalyqtar
