Bıryŋǧai uaqyt beldeuıne qarsy şaǧym. Ükımettı sotqa bergen zaŋger jeŋılıp qaldy

Şyǧys Qazaqstan oblysynyŋ zaŋgerı Serıkjan Ahmetjanov uaqytty özgertu mäselesı boiynşa Qazaqstan Ükımetıne qarsy sotta jeŋılıp qaldy, dep habarlaidy «Adyrna» ūlttyq portaly KazTAG-qa sılteme jasap.  «Astana qalasynyŋ azamattyq ıster jönındegı audanaralyq soty azamat Ahmetjanovtyŋ QR Ükımetıne qarsy №1749 qaulysyn (23 qaraşa 2000 j.) jäne oǧan engızılgen özgerıster turaly №20 qaulysyn (19 qaŋtar 2024 j.) zaŋsyz dep tanu jäne olardy küşın joiu turaly talap aryzy boiynşa ıstı qarady», – dep mälımdedı sottyŋ baspasöz qyzmetı. Zaŋger dauly qaulynyŋ 3 jäne 3-1 tarmaqtaryn daulaǧan: 3. QR aumaǧynda besınşı uaqyt beldeuın qoldanu; 3-1. 2024 jyldyŋ 29 aqpanynan 1 nauryzyna qaraǧan tünı (00:00-de) Astana, Almaty, Şymkent qalalary men bırqatar oblystarda uaqytty bır saǧatqa artqa şegeru turaly şeşım qabyldanǧan. Talapker būl şeşımdı astronomiialyq uaqytqa säikes kelmeidı jäne uaqytty auystyru boiynşa ükımettıŋ qūzyretınıŋ şegınen şyǧuy retınde baǧalady. Sot zaŋgerdıŋ talaptaryn qanaǧattandyrmau turaly şeşım qabyldady. Qorytyndyda ükımettıŋ būl qaulylardy Qazaqstan Konstitusiiasynyŋ 69-babyna säikes qabyldaǧany, sondai-aq talapkerdıŋ üş jyldyq talap qoiu merzımın ötkızıp alǧany atalyp öttı. Eske salaiyq, būǧan deiın Serıkjan Ahmetjanov ükımettıŋ qaulysyna qarsy şaǧym tüsırıp, Şyǧys Qazaqstan oblysynyŋ bırde-bır ökılınıŋ būl mäsele boiynşa jūmys tobyna kırmegenın mälımdegenın jazǧan edık. Onyŋ aituynşa, uaqyt beldeuınıŋ özgerısı tıkelei äser etken aimaqtardyŋ pıkırı mülde eskerılmegen.